ငါးကြီးဆီသည် စိတ်ကျန်းမာရေးအတွက် အထောက်အကူဖြစ်

ငါးကြီးဆီသည်
စိတ်ကျန်းမာရေးအတွက် အထောက်အပံ့ ဖြစ်စေနိုင် ကြောင်း လေ့လာမှု သုတေသန ရလဒ်
တစ်ခုတွင် ဖော်ပြခဲ့သည်။ ဩစတြေးလျတွင် စိတ်ပိုင်းဆိုင်ရာ ကျန်းမာရေး
ယိုယွင်းနေကြောင်း မှတ်ပုံတင် ထား သည့် လူနာပေါင်း(၈၁)ဦးကို
စမ်းသပ်ခဲ့ပြီးနောက် ယခုရလဒ်ကို ပညာရှင်များက ကြေညာခဲ့ခြင်းဖြစ်သည်။
သုတေသီများက ဩစတြေးလျရှိ မြို့ကြီး(၈)ခုတွင် ပြုလုပ်ခဲ့သည့် လေ့လာမှုများအရ
ငါးကြီးဆီသည် စိတ်ပိုင်း ဆိုင်ရာ ပြဿနာများအတွက်
ကောင်းကျိုးပြုနိုင်ကြောင်း အတည်ပြုနိုင်ခဲ့ကြသည်။ ဖေဖော်ဝါရီလထုတ်
Archives of General Psychiatry ဆေးပညာဂျာနယ်တွင် ဖော်ပြချက် အရ
အသက်(၁၃)နှစ်မှ (၂၅)နှစ်ကြား လူနာ(၈၁)ဦး ကို ယခုစမ်းသပ်မှု အတွက် အကူအညီ
တောင်းခံခဲ့ကြောင်း သိရသည်။ ယင်းတို့သည် အလွန်အကျွံ အိပ်ခြင်း၊ အလွန်အကျွံ
အိပ်ရေးပျက်ခံခြင်း၊ အကြီးအကျယ် သံသယများတတ်ခြင်း၊ အလွယ်တကူ
အယုံလွယ်လွန်းခြင်း စသည်တို့ အပါအ၀င် မူမှန်မဟုတ်သော စိတ်အခြေအနေများ
ပိုင်ဆိုင်ထားညပီး စိတ်ကျန်းမာရေး ပြဿနာများ ရှိနေကြောင်း အတည်ပြုခြင်း
ခံထား ရပြီးဖြစ်သည်။ ယင်းတို့အနက်မှ (၄၁)ဦးအား Random စနစ်ဖြင့် ရွေး
ထုတ်ပြီးနောက် တစ်နေ့လျင် ငါးကြီးဆီ (၄)လုံးစီ ဆရာဝန်များက (၃)လဆက်တိုက်
တိုက်ကျွေးခဲ့ကြသည်။ အခြားသော လူနာများကိုမူ ရိုးရိုးဆေးဝါးများသာ
သောက်သုံးစေခဲ့သည်။ ထို့နောက် တွင်တော့ လေ့လာမှုများ
ပြုလုပ်ခဲ့ရာ ငါးကြီးဆီ ပုံမှန်သောက်သူများအနက် (၂)ဦးသာ စိတ် အခြေ အနေ
အလွန်ဆိုးရွားသည့် အနေအထားမျိုး ရောက်ရှိခဲ့ပြီး ကျန်အဖွဲ့တွင်မူ
(၁၁)ဦးထိ အလွန်အကျွံ ဆိုးရွား သွားကြောင်း ဆရာဝန်များက
ဖော်ထုတ်တွေ့ရှိခဲ့သည်။ တစ်နည်းအားဖြင့် သာမန်စိတ်ကုဆေးများ တိုက်ကျွေး
သောအဖွဲ့မှ လူနာဦးရေ၏ (၂၈)ရာခိုင်နှုန်းမှာ အခြေအနေ ဆိုးသွားခဲ့ပြီး
ငါးကြီးဆီ နေ့စဉ်ကျွေးသော လူနာများ ထံမှမူ (၅)ရာခိုင်နှုန်းသာ အကြီးအကျယ်
စိတ်ပိုင်းဆိုင်ရာ ထိခိုက်မှု ဖြစ်သွားခြင်းဟု ဆိုနိုင်သည်။ ပညာရှင်များက
ခန္ဓာကိုယ်အတွင်းရှိ အဆီအက်ဆစ်များ ပုံမှန်မထုတ်နိုင်အောင်
တားဆီးခံရသည့်အခါ ဦးနှောက်ဆဲလ်များကို ထိခိုက်မိပြီး စိတ်ပိုင်းဆိုင်ရာ
ဖောက်ပြန်မှုများ ပေါ်ပေါက်လာတတ်ကြောင်း ရှင်ပြခဲ့သည်။ သို့သော်လည်း
ငါးကြီးဆီတွင် ပါဝင်သည့် Omega 3 အဆီအက်ဆစ်ကြောင့် ထိုသို့သော အခြေအနေကို
ပမာဏ အတော်များ များ ထိ ဟန့်တားနိုင်ခဲ့ခြင်းဟု ယူဆရကြောင်း
ဟားဗက်ဆေးကျောင်းမှ ဒေါက်တာဂျနက်ဝေါ့ဇ်နစ်ခ်ကဆိုသည်။ ထို့ကြောင့်လည်း
ဘေးထွက်ဆိုးကျိုး အလွန်နည်းပြီး ယခင်ကတည်းက လူသိများနေသည့် ငါးကြီးဆီကို
ပုံမှန် စားသုံးသင့်ကြောင်း ဆရာဝန်များက ထောက်ခံ ပြောဆိုထားသည်။