လူနှင့် စကား သတိထား

မြန်မာဆေးမှီးတိုများ

* မြန်မာဆေးမှီးတိုများ မှတ်သားထား *
{ 'က' ကနေ 'အ' ထိ ပါသည်။}
ကလေးချွဲထပျောက် ဆေးနည်း

- မြင်းခွာရွက်သတ္တုရည်ကို
လက်ဖက်ရည်ဇွန်းငယ် တစ်ဇွန်းခန့် တိုက်ပါ။
ချွဲသလိပ်များ ကျဆင်းပါသည်။
(တစ်နည်း)
- ကြိတ်မှတ်ရွက်၊ ခွေးသေးပန်းရွက်တို့တွင်
ရှိန်းခိုးအနည်းငယ်ထည့်၍ ကြိတ်ပြီးအရည်ကို
ငယ်ထိမ်မှနေ၍ ရင်ဘတ်အထိ လူးပေးပါ။
----------------------------------------
ကလေးဆီးရောဂါပျောက် ဆေးနည်း
- ကြက်သွန်နီကို မီးဖုတ်၍ ခွဲပြီး ဆီးအိမ်ပေါ်၌
ပူပူနွေးနွေးကပ်ပေးပါ။ ကလေး ဆီးချုပ်ပျောက်၏။
(တစ်နည်း)
- ကလေးဆီးအောင့်လျှင် ဒန့်ကျွဲပင်အမြစ်ကို
ဆန်ဆေးရည်နှင့် သွေး၍ ရင်ညွှန့်ကစပြီး
ဆီးစပ်အထိ လိမ်းပေးပါ။
(တစ်နည်း)
- လိပ်ကျောက်မြီးကို ရေနှင့်သွေး၍
ချက်အောက်မှ ဆီးစပ်အထိ လိမ်းပေးပါ။
------------------------------------
ကလေးထိပ်အုံ ဆေးနည်း
- ပန်းညိုရွက်၊ လင်းလေးရွက်၊ ကွမ်းရွက်၊ ကုလားပင်စိမ်းရွက်၊ ပင့်ကူမြှေးထည့်၍ကြိတ်ပြီး နှမ်းဆီနှင့်ဖျော်၍ ထိပ်မှာအုံပေးပါ။ နှာစေး ချောင်းဆို ပျောက်ကင်း၏။
ကလေးနို့မျက်ပျောက် ဆေးနည်း
- ဖီးကြမ်းငှက်ပျော်သီးအလုံးကို မီးဖုတ်၍ အခွံခွာပြီး အသားကို ကျွေးပါ၊ အားလည်းရှိ စေသည်။
ကလေးသူငယ်နာကင်းရန် ဆေးနည်း
- ငှက်ပျောသီးကို မီးဖုန်၍ မကြာခဏ ကျွေးပေးပါ။
ကလေးသန်ကျ ဆေးနည်း
- ဆေးရွက်ကြီးကို ရေဆွတ်၍ ကလေးဗိုက်ပေါ်မှာ စည်းထားပေးပါ။
ကြက်ညှာချောင်းဆိုးပျောက် ဆေးနည်း
- ကြက်သွန်ဖြူကို ထောင်းထု၍ နှမ်းဆီနှင့် သမအောင်နယ်ပြီး ရင်ဘတ်နှင့်ကျောကို လိမ်းကျံပေးပါ။ ခြေဖ၀ါးကို ကြိတ်နယ်ထားသော အဖတ်များဖြင့် ကပ်ပြီး ပတ်တီးစည်းထားပေးပါ။
ကြက်ညှာ ဆေးနည်း
- ဟင်းနုနယ်ပြာ၊ ထန်းနို့ပြာ၊ ၎င်းနှစ်မျိုးကို ဆီးကင်းခန့် တိုက်ကျွေးပါ။
ကင်းကိုက် ကင်းဆိပ်နိုင် ဆေးနည်း
- ကဆော့မြစ်ကိုဖြစ်စေ၊ ကြောင်ပန်းမြစ်ကိုဖြစ်စေ၊ သမန်းမြက်ကိုဖြစ်စေ၊ ပေါင်းမြက်ကိုဖြစ်စေ ရရာကို ညက်စွာဝါး၍ နား၌ သုတ်လိမ်းပေးပါက ကင်းဆိပ်မျိုးနိုင်၏။ ကင်းကိုက်ပျောက်ကင်း၏။ (တစ်နည်း)
- သပြေရွက်ကိုကြိတ်၍ အရည်ကို ကင်းကိုက်ခံရသောနေရာတွင် လူးပေးပါ။ (တစ်နည်း)
- မန်ကျည်းစေ့ကို သွေး၍ လိမ်းပေးပါက ပျောက်၏။ (တစ်နည်း)
- မြင်းခွာရွက်သတ္တုရည်နှင့်ကင်းကိုက်သော နေရာအား လိမ်းပေးပါ။ (တစ်နည်း)
- ခွေးလှေးယားသီး အစေ့ကို ကြီတ်၍ ကင်းကိုက်ခံရသော နေရာအား လိမ်းပေးပါ။ (တစ်နည်း)
- မန်ကျည်းရွက်ကို ကြိတ်၍ အုံပေးပါ။ (တစ်နည်း)
- ငဖြူကြီးမြစ်ကို သွေး၍ ကင်းကိုက်ခံရသောနေရာအား လိမ်းပေးပါ။ (တစ်နည်း)
- တမာရွက်ကို ကြိတ်၍ အုံပေးပါ။ (တစ်နည်း)
- ကင်းမြီးကောက်ကိုက်ပါက တမာပွင့်ကို ရူပေးပါ။ (တစ်နည်း)
- ကြေးဖလားကို ကင်းကိုက်ခံရသူကြားအောင် တီးပေးပါ။ (တစ်နည်း)
ကျပ်တီးနာပျောက် ဆေးနည်း
- လည်ပင်းတွင် အဖုအစေ့ ကလေးများအဖြစ် ပေါက်သော ကျပ်တီးနာကို မြန်မာကုက္ကိုစေ့ ကြိတ်၍ လိမ်းပေးပါ။
ကြွက်နို့ပျောက် ဆေးနည်း
- ချင်းတက်ကို ထိပ်ဘက်မှ ဓားဖြင့်လှီးပါ။ ထိပ်ကို ထုံးအနည်းငယ်ဖြင့်တို့ပြီး ကြွက်နို့ပေါ်မှာတဖြည်းဖြည်းချင်း ချင်းတက်ဖြင့် ပွတ်ပေးပါ။ ကြွက်နို့် ပါသွားပါလိမ့်မည်။
ကိုယ်ရောင်ရောဂါပျောက် ဆေးနည်း
- ခံတက်ခေါက်၊ ဖျောက်ဆိတ်မြစ်၊ နနွင်းစိမ်း ၎င်းဆေးသုံးပါးကို အညီအမျှ သွေး၍ လိမ်းပေးပါ။ (တစ်နည်း)
- နန်းလုံးကြိုင်မြစ်၊ ငရံ့ပတူမြစ်၊ ဘုမ္မရာဇာမြစ်၊ ပဲစင်းငုံမြစ်၊ ၎င်းဆေးလေးပါးကို တောအရက်ဖြင့် သွေးလိမ်းပေးပါ။ (တစ်နည်း)
ကျောပူခေါင်းပူထ ဆေးနည်း
- ကြိတ်မှန်ရွက်၊ ခွေးသေးပန်းရွက် ရှိန်းခိုအနည်းငယ်ထည့်၍ ကြိတ်၍ အရည်ကို ငယ်ထိပ်မှနေ၍ အောက်သို့ လူးပေးပါ။
ကြက်မျက်သင့်ရောဂါပျောက် ဆေးနည်း
- ကြက်သွန်နီအရည်တွင် ဆားအနည်းငယ်ထည့်၍ မျက်စဉ်းခတ်ပေးပါ။ (တစ်နည်း)
- တမာရွက် သတ္တုရည် နှစ်ကျပ်ခွဲသားကို နံနက်စောစော နေ့စဉ်သောက်ပေးပါ၊ ရက်မကြာခင် ပျောက်ကင်းပါလိမ့်မည်။ (တစ်နည်း)
- လေညှင်းကို ဆိန်ကျင်ငယ်ရည်ဖြင့် သွေး၍ မျက်စဉ်းခတ်ပေးပါ။ (တစ်နည်း)
ကျင်ငယ်တစ်စက်တစ်စက်ကျရောဂါပျောက် ဆေးနည်း
- ဆီးဖြူသီးပြုတ်ရည်ကို ပျားရည်နှင့် သောက်ပါ။
ကျွဲအသားမာပျောက် ဆေးနည်း
- ထမင်းနှင့် ဆားကိုကြိတ်၍ မီးဖုန်ပြီး အုံထားပေးပါ။ (တစ်နည်း)
- ပြောင်းဖူးစေ့ကို ကြိတ်ပြီး အမူန့်လုပ်ပါ။ ၎င်းအမူန့်ကို ဆားအနည်းငယ်ထည့်၍ ဖျော်ပြီး လိမ်းပေးပါ။ အနာပေါ်တွင် ပိန်းရွက်အုံထားပေးပါ။ (တစ်နည်း)
ခရုသင်းပျောက် ဆေးနည်း
- ငှက်ပျောပင်၏ ပဉ္စငါးပါးအား ပြာချ၍ နနွင်းနှင့် လူးပေးပါ။ (တစ်နည်း)
- ကြိတ်မှန်ရွက်အရည်ကို မကြာခဏ လိမ်းပေးပါ။ (တစ်နည်း)
ခါးကိုက်ပျောက် ဆေးနည်း
- ၀ါးရွက်ကို ဟင်းချက်၍ သောက်ပါ။ (တစ်နည်း)
- ခါးကို ဆပ်ပြာရည်နှင့် နှိပ်နယ်ပေးပါ။ (တစ်နည်း)
ခူနာပျောက် ဆေးနည်း
- ဘူးရွက်နှင့် ထုံးဖြူကို အညီအမျှကြိတ်၍ ခူနာပေါ်မှာ အုံပေးပါ။ (တစ်နည်း)
- မြင်းချေး၊ ငရုတ်ကောင်း၊ ၎င်းဆေးနှစ်ပါးအား ညက်အောင်ကြိတ်ပြီး အုန်းဆီစစ်စစ်ဖြင့် ဖျော်၍ လိမ်းပေးပါ။ (တစ်နည်း)
- အုတ်ခဲအမူန့်ကို ဆီနှင့်နယ်ပြီး လုံး၍ ခူနာပေါ်မှာ လိမ်းပေးပါ။ (တစ်နည်း)
- သရက်ခေါက် လတ်လတ်ဆတ်ဆတ်ကို ထုထောင်းပြီး ကျင်ငယ်ရည်ထည့်၍ အနာကို လိမ်းထားပေးပါ၊ တစ်နေ့လျှင် အသစ် နှစ်ခါလောက် ပြောင်း၍ စိမ်ပေးပါ။ အပျောက်မြန်၏။ (တစ်နည်း)
- ညောင်ခေါက်ကို ရေနှင့်ညက်အောင်ကြိတ်ပြီး အနာကို အုံပေးပါ။ မှည့်စေလိုလျှင် ငါးပိထည့်၍ အုံပေးပါ။ မှည့်လွယ်ပြီး ခူနာ အပျောက်မြန်၏။ (တစ်နည်း)
ခေါင်းကိုက်ခဲပျောက် ဆေးနည်း
- မန်ကျည်းမှည့်ကို ဆားနှင့်နယ်၍ ရူပေးပါ။ (တစ်နည်း)
- အညာကုက္ကိုပွင့်ကို ရေနှင့်ကြိတ်ပြီး ဦးခေါင်းနှင့် နားထင်ကို လိမ်းပေးပါ။
ချောင်းဆိုး ရင်ကြပ်ပျောက် ဆေးနည်း
- ကျောက်ဖရုံမြစ်ကို အမူန့်ပြုလုပ်၍ ရေနွေးနှင့်သောက်ပါ။
ခံတွင်းပျက်ပျောက် ဆေးနည်း
- ငှက်ပျောသီးမှည့်ကို ထန်းလျက်နှင့် စားပါ။
ခွေးရူးကိုက်နာပျောက် ဆေးနည်း
- ကြာစွယ်ကို လက်ဖက်ရည်နှင့် သွေး၍ သောက်ပါ။ (တစ်နည်း)
- ပဒိုင်းရွက် ငါးကျပ်သး၊ ဒုတ္ထာ တစ်ကျပ်သား၊ ၎င်းဆေးနှစ်ပါးကို ညက်စွာကြိတ်ပြီး ပဲကြီးစေ့ခန့် လုံးထားပါ။ လူကြီးကိုက်ခံရသော် တစ်လုံး၊ ကလေးကိုက်ခံရသော် တစ်ဝက်တိုက်ပါ။ အန်လျှင် ထန်းလျက်ကျွေးပါ။ (တစ်နည်း)
- ငရုတ်ကောင်း၊ မုရိုးမြစ်၊ ဘူးမြစ်၊ ခွေးတောက်မြစ်၊ ထင်းရူးသား ၎င်းတို့ကို ဆတူကြိတ်-ကြိတ်၍ တိုက်ပါ။
ချွေးငုပ်ပျောက် ဆေးနည်း
- ဧကရာဇ်မြစ်ကို ငါးပေါင်းကြော်လုပ်၍ စားပါ။ (တစ်နည်း)
- ကသစ်ပွင့်နှင့် တရုတ်စံကားပွင့်ကို လက်သုပ်လုပ်၍ စားပါ။ (တစ်နည်း)
ငါးခူငါးကျည်းစူးပျောက် ဆေးနည်း
- ငါးခူငါးကျည်းစူးပါက ဆီးဖြူသီးကို စားပေးပါ။
စိန်အဆိပ်ပျောက်ဖြေ ဆေးနည်း
- ကန်စွန်းရွက်ကို ကြက်ပြုတ်ရည်ဖြင့် ချက်၍စားပါ။ (တစ်နည်း)
- ရှားရွက်နှင့် ကန်စွန်းရွက် ချက်စားပါ။ (တစ်နည်း)
- ရှားစေးတစ်ကျပ်သားကို ရေနှင့်သွေး၍ သောက်ပါ။ (တစ်နည်း)
ဆီးပူ၊ ဆီးအောင့် ဆီးရောဂါပျောက် ဆေးနည်း
- ထန်းလျက်နှင့် ဇ၀က်သားဆတူကြိတ်၍ ဆီးဖြူသီးခန့် ရေအေးဖြင့် သောက်ပါ။
- ခရုကို ဆားသွပ်ပြီး မီးဖုတ်၍ ထောင်းစားပါ။ ဆီးပူနာပျောက်၏။ (တစ်နည်း)
- ဆီးဖြူသီးကို တင်လဲနှင့်စားပါက ဆီးအောင့်ပျောက်ကင်း၏။ (တစ်နည်း)
- ကြက်သွန်ဖြူပြုတ်ရည်ကို သောက်ပါက ဆီးတစ်စက်စက်ကရောဂါ ပျောက်၏။ (တစ်နည်း)
- ကြက်သားနှင့် မုန်လာဥကြီး အချိုချက်၍စားပါက ဆီးအောင့်နှင့် ကျောက်တည်ရောဂါ ပျောက်ကင်း၏။ (တစ်နည်း)
- ကျောက်ဖရုံသီးကို သကြားနှင့်စားပါ။ ဆီးပူပျောက်ကင်း၏။ (တစ်နည်း)
- သခွားသီးကို သကြားနှင့်စားပါ။ ဆီးပူပျောက်ကင်း၏။ (တစ်နည်း)
- ထိကရုံးမြစ်ကိုကြိတ်၍ ဆီးခုံတွင် အုံပေးပါ။ (တစ်နည်း)
- ဆီးဖြူသီးပြုတ်ရည်ကို ပျားရည်နှင့် တိုက်ပါက ဆီးအောင့်ရောဂါ ပျောက်၏။ (တစ်နည်း)
- ဖီးကြမ်းငှက်ပျောသီးကို ထန်းလျက်နှင့် ၀အောင်စားပါ။ ဆီးချုပ်၊ ၀မ်းချုပ် ပျောက်ကင်း၏။ (တစ်နည်း)
- မြင်းခွာရွက်ကို လက်သုပ်လုပ်စားပါ။ (တစ်နည်း)
- ငုပင်၏ အနှစ်ကိုသွေး၍ ချက်အောက်တွင် မကြာခဏလိမ်းပေးပါ။ (တစ်နည်း)
- ကုလားမျက်စိရွက်ကို ကြိတ်၍ အရည်ညှစ်ပါ။ ၎င်းအရည်ကို သောက်ပါက ဆီးချုပ်ရောဂါ ပျောက်ကင်း၏။ (တစ်နည်း)
- ကြက်သွန်နီကို များများစားပေးပါ။ (တစ်နည်း)
- ထိကရုံးမြစ်ကို သွေး၍ သွေး၍သောက်ပါက ဆီးအောင့် ကျောက်တည်ရောဂါ ပျောက်ကင်း၏။ (တစ်နည်း)
- ဆီးဖြူသီးအစေ့ကို စားပေးပါ။ (တစ်နည်း)
- တမာခေါက်ကိုပြုတ်၍ နံနက်စောစောပိုင်းတွင် သောက်ပေးပါ။ ဆီေးအာင့် ကျောက်တည် ပျောက်၏။
- ခံတက်ခေါက်ကို လေးခွက်တစ်ခွက်တင် ကြို၍သောက်ပါ။ ဆီးအောင့် ကျောက်တည် ပျောက်၏။ (တစ်နည်း)
- ဘူးသီးပြုတ်ကို များများစားပေးပါ။ (တစ်နည်း)
- ယမနေရွက် သတ္တုရည်ကို ကြွေဇွန်းကြီး တစ်ဇွန်းသာသာ တစ်နေ့ နှစ်ကြိမ် သောက်ပေးပါ။ (တစ်နည်း)
ဆံပင်ကျွတ်ပျောက် ဆေးနည်း
- သလဲရွက်ကို ရေနှင့်ကြိတ်၍ သတ္တုရည်ကို တစ်နေ့နှစ်ကြိမ်လိမ်းပေးပါမူ ဆံပင်ကျွတ်ခြင်း ပျောက်ကင်း၏။
ဆံပင်ပေါက် ဆေးနည်း
- သံပရာစေ့ကို ရေနှင့်ကြိတ်ပြီး နေ့စဉ်လိမ်ပေးပါ။
ဆံပင်နက် ဆေးနည်း
- တမာဆီကို နေ့စဉ် လိမ်းပေးခြင်းအားဖြင့် ဆံပင်များပြန်၍ နက်ပြီးချောမွတ်စေသည်။ (တစ်နည်း)
- မယားကြီးရွက်၊ ပဲရွက်၊ ပေါက်ပန်းဖြူရွက် ၎င်းသုံးမျိုးကိုကြိတ်၍ နှမ်းဆီနှင့် ဖျော်လိမ်ပေးပါ။ (တစ်နည်း)
- သူငယ်စာ ငှက်ပျောကို ပျားရည်နှင့် တစ်နှစ်စိမ်ပြီးစားပါ။ (တစ်နည်း)
- မန်ကျည်းသီး ငါးကျပ်သား၊ ဆားငါးကျပ်သား၊ ပွေးကိုင်းရွက် ငါးကျပ်သား၊ သကြားတစ်ဆယ်ကျပ်သား၊ ပျားရည် တစ်ဆယ်ကျပ်သား ၎င်းဆေးငါးပါးရော၍ စားပါ။ (တစ်နည်း)
- သံချေး၊ မုယောပွင့်၊ ဆီးဖြူသီး ၎င်းတို့ကို အညီအမျှစု၍ ကြိတ်ပြီး သုံးရက်ခန့် လိမ်းပေးပါ။ (တစ်နည်း)
- မန်ကျည်းသီးအဆံကိုသွေး၍ ဦးခေါင်းရှိ ဆံပင်အားလုံးကို လိမ်းပါ။ (တစ်နည်း)
- ပွေးကိုင်းရွက်၊ ကြိတ်မှန်ရွက် ၎င်းဆေးနှစ်ပါးကို ကြိတ်၍ အရည်ကို သောက်ပေးပါ။ (တစ်နည်း)
- ယမနေသီး အဆီကို နှာရူပေးလျှင် ဆံပင်ဖြူပျောက်၏။ (တစ်နည်း)
- တမာသီးအဆံကို ကြိတ်မှန်ရွက်နှင့်ကြိတ်၍ နှာရူပေးပါက ဆံပင်ဖြူပျောက်၏။ (တစ်နည်း)
- ဒါန်းကြီးရွက်နှင့် မဲနယ်ပင်ကို ကြိတ်၍ သတ္တုရည်ကို ဖြူသောဆံပင်အား လိမ်းပေးပါ။ (တစ်နည်း)
- ဒန္တသုခ ပင်လုံးပြုရည်ဖြင့် မကြာခဏ ခေါင်းလျှော်ပေးပါ။ ဆံပင်ဖြူပျောက်၍ ဘောက်ပါသေသည်။ (တစ်နည်း)
ဆံပင်ကောင်းရန် ဆေးနည်း
- တမာရွက်နှင့် ဆီးရွက်ကို ဆတူကြိတ်ပြီး အမူန့်ကို ခေါင်းမှာလိမ်းပေးပါ။ ဆယ့်နှစ်နာရီကြာလျှင် ဆေးကြောပေးပါ။ ဤနည်းအတိုင်း ရက်အနည်းငယ် ပြုလုပ်ပေးပါက ဆံပင်ကောင်း၍လာ၏။
ဆင်ခြေထောက်ရောဂါပျောက် ဆေးနည်း
- ငဖြူကြီးမြစ်ကို ဆန်ပုန်းရည်ဖြင့် သွေး၍ လူးပေးပါ။
ဆုံဆို့နာပျောက် ဆေးနည်း
- သင်္ဘောသီး အစိမ်ကို စားပေးပါ။ (တစ်နည်း)
- ငါးရန့်ပတူမြစ်ကို သွေး၍ လူးပေးပါ။ (တစ်နည်း)
- ကွမ်းသီးကိုကြိတ်၍ သုတ်လိမ်းပေးပါ။ (တစ်နည်း)
ဇက်လေးနာပျောက် ဆေးနည်း
- တမာခေါက်ကို သုံးခွက်တစ်ခွက်တင် ကျို၍သောက်ပါ။
ညသေးပါရောဂါပျောက် ဆေးနည်း
- ကျီးအာသီး သတ္တုရည်ကို လက်ဖက်ရည်ဖွန်း တစ်ဝက်ခန့် ရက်အနည်းငယ် နေ့စဉ်ဆက်၍ သောက်ပါ။
ညောင်းကျရောဂါ ပျောက်ဆေးနည်း
- ကြောင်ပန်းရွက်ကိုပြုတ်၍ နွေးနွေးထားပြီး မကြာခဏသောက်ပါ။
ညှင်းပျောက်ဆေးနည်း
- ပဒုမ္မာကြာရိုးကို မီးဖုတ်၍ ပြာကိုလိမ်းကျံသော ညှင်း၊ တင်းတိတ် ပျောက်ကင်း၏။ (တစ်နည်း)
- ကန့်ကိုရေနံဆီဖြင့်သွေး၍ ညအိပ်ရာဝင်တွင် လိမ်းပေးပါ။ သုံးရက်ဆက်၍ လိမ်းပေးပါ။ ညှင်းများကွာကျ၍ ပျောက်ကင်း၏။ (တစ်နည်း)
- ကြိတ်မှန်ရွက် သတ္တုရည်ကို လိမ်းပေးပါ။ (တစ်နည်း)
- လက်ပံပင်၏ဆူးကို နို့ရည်နှင့်သွေး၍ လိမ်းပေးပါက ညှင်း၊ တင်းတိတ်ပျောက်ကင်း၍ မျက်နှာချောမွတ်စေသည်။
တင်းတိတ်ပျောက် ဆေးနည်း
- ငရုတ်ကောင်း၊ ဂေါ်ရာဇင် ၎င်းဆေးနှစ်ပါးကို ကြိတ်၍ လိမ်းပေးပါ၊ နေ့စဉ်ဆက်၍ လိမ်းပေးပါက ရက်အနည်းငယ်ကြာလျှင် ပျောက်ကင်း၏။ (တစ်နည်း)
- လက်ပံပင်၏ဆူကို နို့ရည်နှင့်သွေး၍ တင်းတိတ်ရှိသော နေရာကို နေ့စဉ်ရက်ဆက် လိမ်းပေးပါက ရက်အနည်းငယ်အတွင်း ပျောက်ကင်း၏။ (တစ်နည်း)
- ညောင်ကြတ်ညွန့် ပဲပိစပ် ၎င်းဆေးနှစ်ပါးကို ကြိတ်၍ လိမ်းပေးပါ။ (တစ်နည်း)
- ညအခါတွင် တင်းတိတ်ရှိသောနေရာကို မုန်ညင်းဆီသုတ်လိမ်းပေးပါ။ (တစ်နည်း)
- နနွင်းနှင့် ငဖြူကြီးမြစ်ကို သွေး၍လိမ်းပေးပါ။ (တစ်နည်း)
- ကြက်ဆူရွက်အရည်၊ ဘူးစေ့ ၎င်းဆေးနှစ်ပါးကြိတ်၍ တင်းတိတ်ရှိသောနေရာတွင် လိမ်းပေးပါ။ (တစ်နည်း)
- သိန္ဓောဆားခဲကို ရေဖြင့်သွေး၍ လိမ်းပေးပါ။ (တစ်နည်း)
- ဒန္တသုခ အရွက်စိမ်းရည်နှင့် သနပ်ခါးစပ်၍ လိမ်းပေးပါ။
ထိရှပွန်းပဲ့ခြင်းအနာပျောက် ဆေးနည်း
- ကိုယ်လက်အင်္ဂါ ထိရှိပွန်းပဲ့ခဲ့သော် တမာဆီကို လိမ်းပေးပါ။ (တစ်နည်း)
- နနွင်းနှင့် ကွမ်းစားထုံးကိုနယ်၍ အနာကိုထည့်ပေးပါ။ (တစ်နည်း)
- ခွေးသေးပန်းရွက်အရည်ကို ညှစ်၍ အနာကိုထည့်ပေးပြီး ပတ်တီးစည်းထားပါ။ (တစ်နည်း)
- ကြိတ်မှန်ရွက်အရည်ကိုညှစ်၍ ထည့်ပေးပါ။ (တစ်နည်း)
- ကုက္ကိုရွက်ကိုကြိတ်ညှစ်ပြီး သတ္တုရည်ကိုထည့်ပေး၍ ပတ်တီး စည်းထားပေးပါ။ (တစ်နည်း)
ဒူလာသွေးဝမ်းပျောက် ဆေးနည်း
- ငါးရှဉ့်ကို ဆီးဖြူသီးအခြောက်နှင့် ချက်၍စားပါ။
ဒူလာဝမ်းပိတ်တား ဆေးနည်း
- သံပရာရည်၊ ဆီ၊ ဆား ၎င်းဆေးသုံးပါးအား အညီအမျှ ရောစပ်၍ သောက်ပါ။
ဒူလာညောင်းညာကိုက်ခဲပျောက် ဆေးနည်း
- မြင်းခွာရွက် တစ်ဆယ်ကျပ်သား၊ သင်္ဘောဆီးဖြူမြစ် ငါးကျပ်သား၊ ၎င်းဆေးနှစ်ပါးအား သုံးခွက်တစ်ခွက်တင်ကျို၊ လက်ဖက်ရည် ဇွန်းဖြင့် တစ်နေ့သုံးကြိမ်သောက်ပါ။ (တစ်နည်း)
- ကုက္ကိုရွက်ကို အရည်ညှစ်၍ မီးနွေးနွေးပြပြီး နားထဲသို့ ထည့်ပေးပါ။ (တစ်နည်း)
- ရှားစောင်း မြင်းနားရွက်အရည်ကို မီးနွေးနွေးပြပြီး နားထဲသို့ ကျပ်ပေးပါ။ (တစ်နည်း)
- ရှားစောင်းလက်ပပ် သတ္တုရည်ကို မီးနွေးနွေးပြပြီး ညာဘက်နားကိုက်မူ ဘယ်ဘက်နားကိုထည့်၊ ဘယ်ဘက်နားကိုက်မူ ညာဘက်နားထဲသို့ ထည့်ပေးပါ။ လျင်မြန်စွာ ပျောက်ကင်းစေသည်။ (တစ်နည်း)
- ကြောင်ပန်းရွက်အရည်၊ နှမ်းဆီ၊ ပျားရည် ၎င်းဆေးသုံးပါးကို ဆတူရော၍ နားထဲသို့ ကျပ်ပေးပါ။ (တစ်နည်း)
နားပြည်ယိုပျောက် ဆေးနည်း
- ငုရွက်၊ ကြောင်ပန်းရွက် ၎င်းဆေးနှစ်ပါးကို အရည်ညှစ်၍ နားကို ကျပ်ပေးပါ။ (တစ်နည်း)
- ကြောင်လျှာမြစ်ကို အမူန့်ပြုလုပ်၍ နှမ်းဆီနှင့်ဖျော်ပြီး မီးနွေးနွေးနှင့် ချက်ပါ။ ၎င်းကို နားထဲတွင် ကျပ်ပေးပါ။ (တစ်နည်း)
- တမာရွက်ကို ရေနှင့်ပြုတ်၍ နားကိုသန့်ရှင်းအောင် ဆေးကြောပေးပါ။ (တစ်နည်း)
- တမာဆီနှင့် ပျားရည်ရောပြီး နားထဲသို့ ကျပ်ပေးပါ။ (တစ်နည်း)
- ရှားစေးမူန့်ကို နားတွင်းသို့ အနည်းငယ် ဖြူးဖြူးထည့်ပေးပါ။ (တစ်နည်း)
နားလေထွက် ဆေးနည်း
- ကြောင်လျှာသီးနုနုကို သံပရာရည်လက်သုပ် လုပ်စားပါ။ (တစ်နည်း)
- ထောပတ်ကို မီးနွေးနွေးပြပြီး နားကျပ်ပေးပါ။ (တစ်နည်း)
- သစ်ကြံပိုးအဆီကို နားအတွင်းသို့ ကျပ်ပေးပါက နားအူ နားလေထွက် ပျောက်ကင်း၏။ (တစ်နည်း)
နို့နာပျောက် ဆေးနည်း
- နနွင်းနှင့် ခရုကို သွေးလိမ်းပါ။ (တစ်နည်း)
- လင်းလေနှင့် စပါးမြစ်ကို ကြိတ်၍အုံပေးပါ။ (တစ်နည်း)
- ကြိတ်မှန်ရွက်ကို ငါးကြင်းသားနှင့် ချက်၍စားပါ။ (တစ်နည်း)
- ဇရစ်ရိုးအရွက်များကို ဟင်းခါးချက်၍ စားပါ။ (တစ်နည်း)
- တမာရွက်ကြိတ်၍ နို့အုံကို လိမ်းကျံ အုံပေးပါ။ (တစ်နည်း)
မိခင်များနို့ထွက် ဆေးနည်း
- သင်္ဘောသီးအစိမ်းကို ဟင်းချက်၍စားပါ။ ရင်သားများတင်းမာလာပြီး နို့များထွက် စေသည်။
နှင်းခူပျောက် ဆေးနည်း
- ငါးခူခေါင်းကို ပြာကျအောင်မီးဖုတ်ပြီး ၎င်းပြာကို ရေနံချေးဖြင့် နယ်၍ လိမ်းပေးပါ။ (တစ်နည်း)
- ကနစို၊ ဆားခါး၊ မိတ်သလင် ၎င်းဆေးသုံးပါးအား အညီအမျှ စု၍ မီးဖုတ်ပြာချပါ၊ ၎င်းပြာကိုရေနံချေးဖြင့် နယ်၍ လိမ်းပေးပါ။ (တစ်နည်း)
- မဖောက်ထုံး သုံးကျပ်သား၊ တရော် ငါးကျပ်သာ၊ ရေနံချေး တစ်ဆယ်ကျပ်သား ၎င်းဆေးသုံးပါးအား ကြိတ်နယ်၍ လိမ်းပေးပါ။ (တစ်နည်း)
- ဘောင်မဘာရွက်၊ လောက်သေရွက်၊ ပဒိုင်းသီးရင့်ရင့် ၎င်းဆေး သုံးပါးကို ကျွမ်းအောင်လှော်ပြီး အမူန့်ပြုလုပ်၍ အုန်းဆီနှင့်ဖျော်ပြီး မီးနွေးနွေးပြကာ လိမ်းပေးပါ။ (တစ်နည်း)
- ထိကရုံး ပဉ္စငါးပါးကို ကျွမ်းအောင်လှော်ပြီး အမူန့်ပြုလုပ်၍ အုန်းဆီနှင့် ဖျော်ပြီး လိမ်းပေးပါ။ (တစ်နည်း)
- သဘောင်္မယ်ဇလီရွက်ကို သံပရာရည်ဖြင့် ကြိတ်၍ လိမ်းပါး။ အနာကို ဖန်ရည်ဆေးပြီး နံနက်တစ်ကြိမ် ညတစ်ကြိမ် မှန်မှန်ပြုလုပ်ပေးပါ။ (တစ်နည်း)
- မြင်းချေးလေးကျပ်သား၊ ငရုတ်ကောင်း တစ်ကျပ်သား ၎င်းဆေးနှစ်ပါးအား မူန့်ပြုလုပ်၍ အုန်းဆီနှင့် လိမ်းပေးပါ။ (တစ်နည်း)
- ဂေါ်ဖီထုပ်အမြစ်ကို ပါးပါးလှီး၍ ခြောက်အောင် နေလှမ်းပါ။ အိုးတစ်လုံးတွင်ထည့်၍ ပြာချပါ။ ၎င်းပြာကို နံ့သာဖြူရည်နှင့်ဖျော်၍ တစ်နေ့ နှစ်ကြိမ်သုံးကြိမ် လိမ်းပေးပါ။ (တစ်နည်း)
နှာပိတ်ပျောက် ဆေးနည်း
- ကြိတ်မှန်ရွက်ကို အရည်ညှစ်၍ မကြာခဏ ရူပေးပါ။ (တစ်နည်း)
- လက်ချားကိုကြိတ်၍ ရူပေးပါ။ (တစ်နည်း)
- ကုက္ကိုစေ့ကိုကြိတ်၍ ရူပေးပါ။ (တစ်နည်း)
- ရေနံကို ရူပေးပါ။ (တစ်နည်း)
နှာခေါင်းရောဂါပျောက် ဆေးနည်း
- တမာဆီကိုရူသော် နှာခေါင်း၌ဖြစ်သော ရောဂါပျောက်ကင်း၏။
နှာရည်ယိုပျောက် ဆေးနည်း
- တမာရွက်နှင့် စမုန်ဖြူကို ကြိတ်၍ နှာခါင်းနှင့် နားထင်တွင် လိမ်းပေးပါ။ (တစ်နည်း)
- ကြက်သန်နီကို ရူပေးပါ။ (တစ်နည်း)
နှာခေါင်းသွေးလျှံပျောက် ဆေးနည်း
- ဟင်းနုနယ်ရွက်ကို ညက်စွာကြိတ်ပြီး နှာခေါင်းမှစ၍ မျက်နှာ အထက်ပိုင်းကို လိမ်းကျံပေးပါ။ (တစ်နည်း)
- နွားချေးခြောက်ကို ရူပေးပါ။ (တစ်နည်း)
နားထိုင်း၊ နားပင်းပျောက် ဆေးနည်း
- စပါးကြီးသည်းခြေ၊ ဖားဆီ ၎င်းဆေးနှစ်ပါးကို ရောစပ်၍ ငှက်ခါးတောင်နှင့် ကျပ်ပေးပါ။ (တစ်နည်း)
- သင်္ဘောစေ့တစ်စေ့၊ ဆားတစ်ရွေးသား၊ လေးညှင်းတစ်ပွင့် ၎င်းတို့ကို အမူန့်ပြုလုပ်၍ နှမ်းဆီနှင့်ရောစပ်ပြီး ကျပ်ပေးပါ။ (တစ်နည်း)
နားအူပျောက် ဆေးနည်း
- စပါးလင်ဆီ၊ ထောပတ်ဆီ တစ်ခုခုကို နားမှာ ကျပ်ပေးပါ။
နားကိုက်ပျောက်ဆေးနည်း
- ရှားစောင်းလက်ပပ်ကို မီးကင်၍ အရည်ကိုယူပြီး နားထဲသို့ ထည့်ပေးပါ။ မကြာခဏ ပြုလုပ်ပေးပါက ပျောက်ကင်း၏။ (တစ်နည်း)
- ကြက်သွန်နီကို ထုထောင်း၍ အရည်ညှစ်ယူပါ၊ ၎င်းအရည်ကို မီးနွေးနွေးပြပြီး နားထဲသို့ ထည့်ပေးပါ။ (တစ်နည်း)
နူနာရေဂါပျောက် ဆေးနည်း
- ရှားပင်၏အမြစ်၊ အခေါက်၊ အရွက်၊ အသီး၊ အပွင့် ပဉ္စငါးပါးကိုကျို၍ လိမ်းခြင်း၊ သောက်ခြင်း၊ ရူခြင်းများပြုလုပ်ပေးပါက ပျောက်ကင်း၏။ (တစ်နည်း)
- ပိတောက်သား အနှစ်ကို ထုထောင်း၍ ရေစိမ်ထားပါ။ ၎င်းအရည်ကို စိပ်၍သောက်ခြင်းဖြင့် နူနာရောဂါကို ပျောက်ကင်းစေနိုင်သည်။ (တစ်နည်း)
နို့ပျဉ်းကျရောဂါပျောက် ဆေးနည်း
- ၀က်ချေးမနှဲပင်(တံမြက်စည်းပင်) အမြစ်ကို ရေနှင့်သွေး၍ တစ်နေ့ သုံးကြိမ်လိမ်းပေးပါ။
ပင့်ကူကိုက်ပျောက် ဆေးနည်း
- ဆန်လှော်ကို ၀အောင်စားပါ။ (တစ်နည်း)
- ကြခတ်ခါးစောင်းကို သွေး၍လူးပေးပါ။ (တစ်နည်း)
ပန်းနာပျောက် ဆေးနည်း
- လေးညှင်း နှစ်ကျပ်ရှစ်ပဲ၊ ကရဝေး နှစ်ကျပ်ရှစ်ပဲ၊ ၎င်းဆေးနှစ်ပါးကို အမူန့်ပြုလုပ်၍ ပျားရည်နှင့်ရောပြီး နံနက်တစ်ကြိမ် ညတစ်ကြိမ် ဆီးကင်းခန့်စားပါ။ (တစ်နည်း)
- ဆီးဖြူသီးကို စားပေးပါ။ (တစ်နည်း)
- ကြိတ်မှန်ရွက်၊ ခွေးသေးပန်းရွက် ၎င်းဆေးနှစ်ပါးအားဆတူ ရော၍ကြိတ်ပြီး အရည်ညှစ်ယူပါ၊ ၎င်းအရည်ကို ဆားအနည်းငယ် ထည့်၍ လက်ဖက်ရည် အကြမ်းပန်ကန်တစ်ဝက်ခန့် သောက်ပါ။(တစ်နည်း)
- ချင်းသတ္တုရည် တစ်ဆယ်ကျပ်သား၊ ရှောက်ရည် တစ်ဆယ်ကျပ်သား၊ ဆားမီးဖုတ် ငါးကျပ်သား ၎င်းဆေးသုံးပါးအား သမအောင်ရောစပ်၍ နံနက်တစ်ကြိမ် ညတစ်ကြိမ် ကြွေးဇွန်းတစ်ဇွန်းခန့် သောက်ပေးပါ။ (တစ်နည်း)
ပွေးပျောက် ဆေးနည်း
- ငု၊ ရွှေဝါ အရွက်ကိုကြိတ်၍ အရည်ကို သံပရာရည်နှင့် ဖျော်၍လိမ်းပါ။ (တစ်နည်း)
- ကလောသီးတ်လုံးကို ထုံးဖြူတစ်ကျပ်သားနှင့်ရောကြိတ်၍ ရေနံချေးနှင့်ချက်ပြီး အနာကို လိမ်းပေးပါ။ (တစ်နည်း)
- ကြက်သွန်ဖြူ၊ ဥတစ်လုံ ခုနစ်တတ်၊ သင်္ဘောမယ်ဇလီ ခုနှစ်ရွက် ၎င်းဆေးနှစ်ပါးအား ကြိတ်၍ ခုနှစ်လုံး လုံးပါ။ တစ်နေ့ တစ်လုံးကျ စားသွားပါ။ (တစ်နည်း)
- ကြက်သွန်ဖြူ ဥတစ်လုံးကို ဖင်လှီး၍ ထွက်လာသောအစေးနှင့် အနာကို မကြာခဏ ပွတ်ပေးပါ။ (တစ်နည်း)
- သနပ်သီးအတွင်းမှ အဆံကိုကြိတ်၍ လိမ်းပေးပါ။ (တစ်နည်း)
- သင်္ဘောသီးအစိမ်းမှ ထွက်လာသောအစေးကို လိမ်းပေးပါ။ (တစ်နည်း)
ဖျားပြီး အားနည်းရောဂါပျောက် ဆေးနည်း
- တမာခေါက်ကိုပြုတ်၍ သောက်ပေးပါ။ ဖျားပြီး အားနည်းရောဂါပျောက်၏။
ဖောရောင်ပျောက်ဆေးနည်း
- ကနဖော့ကို ပြုတ်၍စားပါ။ ၎င်းပြုတ်ရည်ဖြင့် ချွေးအောင်းပေးပါက ပျောက်ကင်း၏။ (တစ်နည်း)
- စိန္နဘော် အရွက်ကိုပြုတ်၍ ရေချိုးပါ။ ၎င်းပြုတ်ရည်ဖြင့် ချွေးအောင်းပါ။ (တစ်နည်း)
မီးယပ်ငုပ်ပျောက် ဆေးနည်း
- ကြိတ်မှန်ရွက်ကို လက်သုပ်လုပ်စားပါ။ (တစ်နည်း)
- ကြိတ်မှန်ရွက်နှင့် ထန်းလျက်ကျို၍ ဆားအနည်းငယ်ထည့်ပြီး သောက်ပါ။ (တစ်နည်း)
- ဒန့်သလွန်မြစ်ကို ဆားနှင့်သွေး၍ သောက်ပါ။ (တစ်နည်း)
မီးယပ် ခေါင်းကိုက်ပျောက် ဆေးနည်း
- ဒန့်သလွန်မြစ်၊ ငရုတ်ကောင်း၊ ပန်းနု၊ လင်းလေ၊ ကုက္ကိုခေါက် ၎င်းဆေးငါးပါးအား အမျှစီစုပြီး ကြိတ်၍ အမူန့်လုပ်ရူပါ။
မီးယပ် ဆေးနည်း
- နနွင်းကို ရေနှင့်ဖျော်ပြီး သမအောင်နယ်၍ ကိုယ်ကို လိမ်းကျံပါ။
မီးဖွားလွယ်ကူသော ဆေးနည်း
- ပေါက်ပန်းဖြူကိုင်ကို လက်ဝဲလက်ယာကိုင်ပါစေ။ (တစ်နည်း)
- လက်ပံမိူ့သီးကို သွေး၍ လိမ်းပေးပါက အပူသက်သာစေသည်။ (တစ်နည်း)
- ငှက်ပျောသီးအမှည့်ကို အုံပေးပါ။ (တစ်နည်း)
- ၀ါစေ့အဆံကိုကြိတ်၍ အုံပေးပါ။ အပူသက်သာစေ၍ အမြန်ပျောက်ကင်း၏။ (တစ်နည်း)
မီးလောင်နာပျောက် ဆေးနည်း
- လူတစ်ကိုယ်လုံး မီးလောင်ခဲ့သော် ငှက်ပျောရွက်ကိုခင်း၍ အုပ်ထားပါ။
မိတ်ပျောက် ဆေးနည်း
- ခရေပွင့်ခြောက်ကို သနပ်ခါးနှင့် သွေး၍ လိမ်းပေးပါ။
မက်ကလောင်နာ ဆေးနည်း
- အပူပြင်း၍ မျက်စိဝါခြင်း၊ မျက်လုံးမဖွင့်ခြင်းရှိသော် စအိုဝတွင် အပူကန်၍ အဖုကလေးများ ရှိလိမ့်မည်။ ၎င်းအဖုလေးများအား ဖောက်ပေးပြီး ကြက်ဟင်းခါးအရည်ဖြင့် သုတ်လိမ်းပေးပါ။
မျက်စိနာ ဆေးနည်း
- နှမ်းလှော်ကို ရှူပေးပါ။ (တစ်နည်း)
- မန်ကျည်းပင်၏ အခေါက်အား ဆားအနည်းငယ်ထည့်၍ သွေးပြီး မျက်စိအား ကွင်းလိမ်းပေးပါ။ (တစ်နည်း)
- တမာရွက်ကို အရည်ညှစ်၍ မျက်စဉ်းခတ်ပေးပါ။ (တစ်နည်း)
- ကင်းမုန်ရွက်ကို ကြိတ်နယ်၍ (နင်ကရေယုန်၊ ငါကကင်းမုန်ဟုဆိုကာ) ရေယုန်ပေါက်သော နေရာအား မကြာခဏပွတ်ပေးပါက ပျောက်၏။ (တစ်နည်း)
- မန်ကျည်းပနီမြစ်ကို ဆားနှင့်သွေး၍ လိမ်းပေးပါက ပျောက်၏။ (တစ်နည်း)
- အုန်းဆီကို ရေနှင့်ဖျော်ပြီး မကြာခဏ သုတ်လိမ်းပေးခြင်းဖြင့်လည်း ပျောက်ကင်း၏။ (တစ်နည်း)
- စစ်သိမ်မြစ်ကို ဆားနှင့်သွေး၍ မျက်စိကိုကွင်းလိမ်းပေးပါ။ (တစ်နည်း)
ရင်ဘတ်နာပျောက် ဆေးနည်း
- ငရုတ်ကောင်းကို ပြာချ၍ ပျားရည်နှင့် စားပါက ပျောက်ကင်း၏။ (တစ်နည်း)
- သံပရာသီးအစိမ်း အခွံကို စားပေးပါက လေနာ၊ ရင်ဘတ်နာ ပျောက်ကင်း၏။ (တစ်နည်း)
ရေငတ်ဝမ်းကျပျောက် ဆေးနည်း
- မန်ကျည်းဖျော်ရည်ကို သောက်ပေးပါ။ (တစ်နည်း)
- ဧကရာဇ်မြစ်ကို သွေး၍ ဆန်ဆေးရည်နှင့် ရောစပ်ပြီး ကြွေဇွန်း တစ်ဇွန်းခန့် တစ်နေ့သုံးကြိမ် တိုက်ပါ။ (တစ်နည်း)
ရေဖျဉ်းရောဂါပျောက် ဆေးနည်း
- ယမနေမြစ်ကို သွေး၍သောက်ပါ၊ ကိုယ်ကိုလည်း လိမ်းပေးပါ။ (တစ်နည်း)
- ပွေးကိုင်းရွက်နှင့် ဆီးဖြူသီးကိုကြိတ်၍ အရည်ကို တိုက်ပေးပါ။ (တစ်နည်း)
- ပုန်းရည်တစ်ကျပ်သား၊ ဆီနှစ်ကျပ်သား၊ ဆားငါးပဲသား၊ ၎င်းဆေးသုံးပါးအား ကြေးနီခွက်တွင်ထည့်၍ နေလှမ်းပြီး သုံးကြိမ်သောက်ပေးပါ။ (တစ်နည်း)
- ကုက္ကိုခေါက်ကို သုံးခွက်တစ်ခွက်တင် ကျို၍သောက်ပေးပါ။ (တစ်နည်း)
ရေကျောက်ပျောက် ဆေးနည်း
- စောင်းလျားသီးအရည်ကို ညှစ်၍တိုက်ပါ၊ ရေကို တစ်နေ့ နှစ်ကြိမ် သုံးကြိမ် ချိုးပေးပါ
Credit : မူရင်းစာရေးသူအား ​လေးစားလျှက်​
မေတ္တာဖြင့် ပြန်လည်မျှ​ဝေပါသည်​။
(ဗဟုသုတအဖြစ်​ မျှ​ဝေခြင်းပါ)

"အသက်တစ်ထောင်ကျော်ရှည်သောမိန်းမ" အာကာမြင့်အောင်၊ ထွန်းထွန်းဝင်း၊ ခင်စို...

ပဋိစ္စသမုပ္ပါဒ် သင်တန်း(၃) တရားတော် 20090819 ဆရာတော်ဦးသုမင်္ဂလ(ဒယ်အိုးဆရာတော်)

တရားထိုင်နည်းတရားတော် (၂) မိုးကုတ်ဆရာတော်ဘုရားကြီး ဦးဝိမလ

မိဘ​ကျေးဇူးအထူးသိပါ တရား​တော်​ - Thitsarshwesi အရှင်ဥတ္တမ (သစ္စာရွှေစည်)

စိတ်ဓါတ် ပြုပြင်ပြောင်းလဲရေး တရား ၁ / စိတျဓါတျ ပွုပွငျပွောငျးလဲရေး တရား ၁

စိတ်ဓါတ် ပြုပြင်ပြောင်းလဲရေး တရား ၅ / စိတျဓါတျ ပွုပွငျပွောငျးလဲရေး တရား ၅

မဟာစည်ဆရာတော်ဘုရားကြီး နှင့် အရိယာနတ်မင်း တရားဆွေးနွေးခန်း

ဝိပဿနာ အလုပ်ပေး တရားတော် (၂၆/၄၃၅)၊ မဟာစည် ဆရာတော်ဘုရားကြီး ဦးသောဘန

စွန်းလွန်းဆရာတော် - အလုပ်ပေးတရား ( ရှုမှတ်စရာ ဝိပဿနာ)

ကိုယ့်ကိုယ်ကို သုံးသပ်နည်းတရားတော် (က ၂၇/၇၃) (၃-၉-၁၉၆၁)၊ မိုးကုတ်ဆရာတော...

မဟာဗောဓိမြိုင်ဆရာတော် - ဒုက္ခဆုံးရာ လွတ်လမ်းရှာ

ဥာဏ်အမြင်အနတ္တတွေ့ပါမှ အတ္တဒိဋ္ဌိပြုတ်မည် (၂ ) တရားတော် - မိုးကုတ်ဆရာတော်ဘ...

ဥာဏ်အမြင်အနတ္တတွေ့ပါမှ အတ္တဒိဋ္ဌိပြုတ်မည် (၁) တရားတော် - မိုးကုတ်ဆရာတော်ဘု...

မိုးကုတ်ဆရာတော်ဘုရားကြီး၊အသံကြည် ( အိပ်ခြင်းမှနိုးပြီးမဂ္ဂင်ဖောင်ပြင်ကြရန်

၂၅။ ထိမှုသိမှုတို့ ကွဲပြားစွာ ရှု့ မှတ်ပုံ

မဟာဗောဓိမြိုင်ဆရာတော် - မဂ္ဂင်ဖောင်ပြင် ခရီးနှင့် တရားတော်

မိုးကုတ်ဆရာတော်ဘုရားကြီး_တရားရှာခန္ဓာမှာတွေ့ တရားတော်

အရှင်ဝိစိတ္တ - မချစ်မမုန်းအကောင်းဆုံး တရားတော်

ဦးကုသလ ဒဏ်ရာမဲ့နှလုံးသား မိဘမေတ္တာ တရားတော်

ငရဲဘုံ

8888ငွေရတု ကိုသတိရဖို့  မမေ့အပ်ပေ

8888 ဖြစ်ရပ်

လုတောသူ ၇ဲ့ ဘ၀မုန် TRUE SIMPLE STORY OF LIFE BY HLA TAW THU

ငရဲ တစ်​ကယ်​ရှိသလား...

ဓမ္မစကြာ မြန်မာပြန် တရားတော်

နယုန်လပြည့် မဟာသမယနေ့

 ✏ သိကောင်းစရာ မဟာသမယအခါ ✏

နယုန်လပြည့်နေ့ကို “မဟာသမယနေ့”ဟူ၍ ပညာရှိ
ပုဂ္ဂိုလ်တို့က အတည်ပြု သတ်မှတ်ကြပါသည်။
မဟာသမယ၌ မဟာ က-တစ်ပုဒ်၊
သမယ က-တစ်ပုဒ် ဖြစ်ပါသည်။
မဟာ-ကြီးကျယ်များပြားသော+သမယ=
နတ်ဗြဟ္မာတို့၏ အစည်းအဝေး၊
မဟာသမယ- “များစွာသော နတ်ဗြဟ္မာတို့
အစည်းအဝေး” ဟူ၍ အဓိပ္ပါယ်ရပါသည်။
ထိုနတ်ဗြဟ္မာတို့ အစည်းအဝေး၌ ဟောကြားအပ်သော
သုတ္တန်များကို “မဟာသမယသုတ်”ဟု
ခေါ်ကြရပေသည်။

ထို  “မဟာသမယသုတ်”များကို ရွတ်ဆိုကြသော
လူပုဂ္ဂိုလ်တို့အား နတ်တို့က ချစ်ခင်မြတ်နိုးကြပေသည်။
ဘေးရန်အန္တရာယ်များကင်းအောင် စောင့်ရှောက်
ကြပေသည်။ ကောင်းကျိုးချမ်းသာများရရှိအောင်
ဆောင်ရွက်ပေးတတ်ကြပေသည်။ သို့ဖြစ်၍
ရှေးသူတော်ကောင်းတို့သည် အိမ်သစ်၊ နေရာသစ်၊
မြို့ရွာသစ်များ တည်ဆောက်ကြသောအခါ
ဤမဟာသမယသုတ္တန်များကိုရွတ်ဆိုကြပေသည်။
ရွတ်ဆို၍ တည်ဆောက်ကြပေသည်။

ဤမဟာသမယသုတ်များ ဖြစ်ပေါ်လာရခြင်း၏
အကြောင်းမှာ တစ်ချိန်သောအခါ မြတ်စွာဘုရားသည်
သက္ကတိုင်း ကပိလဝတ်ပြည်၏အနီး မဟာဝုန် တောကြီး
ထဲ၌ ရဟန္တာငါးရာနှင့် အတူတကွသီတင်းသုံးနေထိုင်တော်
မူ၏။ ထိုအခါ မြတ်စွာဘုရားကို လည်းကောင်း၊ ရဟန္တာငါးရာ တို့ကိုလည်းကောင်း၊ ဖူးမြင်ခြင်းငှာ တစ်သောင်းသော လောကဓာတ်မှ နတ်ဗြဟ္မာတို့
သည် စုဝေး လာရောက်ကြကုန်၏။

မဟာဝုန်တောကြီးအတွင်း၌ မြတ်စွာဘုရားနှင့်
အတူတကွ သီတင်းသုံးနေထိုင်ကြသော ရဟန္တာငါးရာ
တို့သည် တစ်နေ့တည်းမှာပင် ရဟန္တာဖြစ်ကြသော
ပုဂ္ဂိုလ်များ ဖြစ်ကြပေသည်။
အသက်အရွယ်အားဖြင့် နုပျိုကြသေးသည့် မင်းမျိုးများမှ ဖြစ်လာကြသော ရဟန္တာများ  ဖြစ်ကြပေသည်။ထိုမင်းမျိုးမင်းသားငယ်တို့၏ ရဟန္တာအဖြစ်သို့ ရောက်ရှိလာရခြင်း၏အကြောင်းမှာသိဖွယ်ရာကောင်းလှ
ပါပေသည်။ နှစ်ပြည်ထောင်မင်းတို့၏ စစ်ပြေငြိမ်းရာမှ
ဖြစ်လာကြသော ရဟန္တာများဖြစ်ကြပေသည်။

“ရန်ပြေ မာန်ပြေ ရဟန္တာများ”
•••••••••••••••••••••••••••••••••••••••
ထိုမင်းမျိုး ရဟန္တာငါးရာတို့၏ လူ့ဘဝက
နေထိုင်ခဲ့ကြသော တိုင်းပြည်တို့သည် သက္ကတိုင်း၊
ကပိလဝတ်ပြည်နှင့် ကောလိယပြည်တို့ ဖြစ်ကြပေသည်။
ရဟန္တာငါးရာတို့တွင် နှစ်ရာ့ငါးဆယ်သောရဟန္တာတို့သည်
ကပိလဝတ်ပြည်သားမင်းမျိုးရဟန္တာများ ဖြစ်ကြပေသည်။
နှစ်ရာ့ငါးဆယ်သောရဟန္တာတို့သည် ကောလိယပြည်သား
မင်းမျိုးရဟန္တာများ ဖြစ်ကြပေသည်။

သက္ကတိုင်း၊ကပိလဝတ်ပြည်နှင့် ကောလိယပြည်
နှစ်ပြည်ထောင် တို့၏အကြား၌ ရောဟိဏီမည်သော
မြစ်ငယ်တစ်ခုရှိပေသည်။ ထိုမြစ်၏ တည်ရှိပုံမှာ ငါးကြင်း
အမြီးကဲ့သို့ မြစ်၏အရင်းအစ၌ တစ်ခုတည်းသာ
ဖြစ်၏။ မြစ်၏အဖျား၌မူ လက်ဝဲ၊ လက်ယာအားဖြင့်
မြစ်နှစ်ခွ ကွဲသွားလေ၏။

မြစ်နှစ်ခွတို့၏ ကမ်းပါးတို့၌ တစ်ဖက်သောမြစ်၏
ကမ်းပါးတွင် ကပိလဝတ်ပြည်သူတို့က ရေသွင်းကာ
လယ်ယာတို့ကို စိုက်ပျိုးလုပ်ကိုင်ကြ၏။
တစ်ဘက်သောမြစ်၏ ကမ်းပါးတွင် ကောလိယ
ပြည်သူတို့က လယ်ယာတို့ကို စိုက်ပျိုးလုပ်ကိုင်ကြ၏။

နယုန်လပြည့် သို့ရောက်သောအခါ မိုးကောင်းကောင်း
မရွာသေးသည်ဖြစ်၍ ရောဟိဏီ မြစ်ရေနည်းပါးလာ၏။
ကောက်ပင်တို့သည် ရေမရကြ၍ ညှိုးနွမ်းလာကြ
ပေသည်။ ရောဟိနီမြစ်မှရေကို နှစ်ဘက်လုံး အညီအမျှ ယူကြလျှင် ရေမရနိုင်သောကြောင့် ကာလိယပြည်သူတို့
က “အကျွန်ုပ်တို့၏ ကောက်ပင်များသည် ရေတစ်ကြိမ်
သွင်းလိုက်ရလျှင် သီးနှံများ အောင်မြင်သွားမည်
ဖြစ်ပေသည်။ ကပိလဝတ်ပြည်သူတို့ဘက်မှ မြစ်ကို
ပိတ်ထား၍ အကျွန်ုပ်တို့အား ရေကိုပေးပါလော့”
တောင်းဆိုကြကုန်၏။

ကပိလဝတ်ပြည်သူတို့ကလည်း “အကျွန်ုပ်တို့၏
ကောက်ပင်များသည်လည်း ရေတစ်ကြိမ်သွင်းရလျှင်
သီးနှံများအောင်မြင်သွားနိုင်သည်။ အကျွန်ုပ်တို့အား
ထိုမြစ်ရေကိုပေးပါလော့”ဟု တောင်းဆိုကြကုန်၏။
ကောလိယပြည်သူတို့ကလည်း မပေးနိုင်ဟုဆို၍
အငြင်းပွားကာ အချင်းချင်း ခိုက်ရန်ဖြစ်ကြကုန်၏။
ရိုက်နှက်ကြကုန်၏။ မင်းမျိုးတို့ကိုလည်း နာကြည်းစွာ
ထိခိုက်အောင် ဆဲရေးကြကုန်၏။

❖ ကောလိယပြည်သား လယ်သမားတို့က
“ကပိလဝတ်ပြည့်ရှင် သာကီဝင်မင်းတို့သည် မင်းအဖြစ်၌
မာန်တက်နေကြသည်။ တကယ်စင်စစ်တော့ သင်တို့၏
မင်းတွေဟာ ခွေး၊မြေခွေးစသော တိရစ္ဆာန်များကဲ့သို့
နှမရင်းများနှင့်ထိမ်းမြား၍ ယုတ်ရင်းသော အိမ်ထောင်မှု
ကို ပြုကြသည်”
ဟု ရေရွတ်ဆဲရေးကြကုန်၏။

❖ ကပိလဝတ်ပြည်သား လယ်သမားတို့ကလည်း
“ကောလိယတို့သည် မင်းအဖြစ်၌ မာန်တက်နေကြသည်။
တကယ်စစ်စစ်တော့ သင်တို့၏ မင်းတွေဟာ နူနာစွဲ၍
ကိုးကွယ်ရာမဲ့ ဖြစ်ကြပြီး၊ကုလောပင်၏ အခေါင်းတွင်းသို့
ဝင်ကာ ပုန်းအောင်းနေကြရသော အနူမျိုးတွေ
ဖြစ်ကြပေသည်” ဟု နာကြည်းစွာ ဆဲရေးကြကုန်၏။

ဤနှစ်ဘက်သော လယ်သမားတို့၏ ဆဲရေးပြောဆိုကြ
သော စကားတို့ကို နှစ်ဘက်သောမင်းတို့ တစ်ဆင့်ကြား
ကြသောကြောင့် စစ်တိုက်ဖို့ရာ နှစ်ပြည်ထောင်မင်းတို့
သည် စစ်သည်ဗိုလ်ပါ အလုံးအရင်းဖြင့် ထွက်လာကြ
ကုန်၏။

ထိုကဲ့သို့ စစ်တိုက်ကြမည့် အကြောင်းကို မြတ်စွာဘုရား
မြင်တော်မူ၍ ကောင်းကင်၌ တည်တော်မူကာ ရောင်ခြည်
တော်တို့ကို လွှတ်တော်မူလျက် သီတင်းသုံးနေတော်မူ၏။ ကပိလဝတ်ပြည်မင်းသားများနှင့် စစ်သည်တော်တို့သည် မြတ်စွာဘုရားကို ကောင်းကင်၌ မြင်သည်ရှိသော် မြတ်စွာဘုရား ရှေ့တော်မှောက်၌  သူတစ်ပါးတို့ကို ညှဉ်းဆဲသတ်ဖြတ်ရန် မသင့်တော်ပေ။
ကောလိယပြည်မင်းသားများနှင့် စစ်သည်ဗိုလ်ပါတို့က
“မိမိတို့အား အလိုရှိသည့်အတိုင်း နှိပ်စက်ကြတော့”
ဟု လက်နက်တို့ကို စွန့်ပစ်ကာ မြတ်စွာဘုရားကို
ထိုင်၍ ရှိခိုးနေကြကုန်၏။

ကောလိယပြည်သား မင်းသားများနှင့် စစ်သည်ဗိုလ်ပါ
တို့သည်လည်း ကပိလဝတ်ပြည်သားမင်းသားများ
စစ်သည်များနှင့်တူစွာ လက်နက်များကို စွန့်ပစ်ကာ
မြတ်စွာဘုရားကို ထိုင်၍ ရှိခိုးကြလေကုန်၏။

မြတ်စွာဘုရားသည် သိတော်မူလျက်နှင့်ပင် နှစ်ဘက်သော
ပြည်သား မင်းသားများကို “သင်တို့အဘယ်ကိစ္စဖြင့်
လာကြသနည်း” ဟု မေးတော်မူ၏။
“တပည့်တော်တို့သည် ပျော်ပွဲစားရန် လာကြသည်
မဟုတ်ပါ။စစ်တိုက်ဖို့ရန် လာကြခြင်းဖြစ်ပါသည်ဘုရား”
ဟု လျှောက်ထားကြလေသည်။ “အဘယ်ကြောင့်
စစ်တိုက်ကြမည်နည်း”ဟု မေးတော်မူရာ
“ရေရရှိရေး ပြဿနာကြောင့် ဖြစ်ပါသည်ဘုရား”
ဟု လျှောက်ထားကြလေ၏။

ရေထက် မြေက အဖိုးထိုက်တန်သည်။
မြေထက် မင်းမျိုးတို့က အဖိုးထိုက်တန်သည်။
ရေကိုအကြောင်းပြု၍ မင်းမျိုးတို့ကိုမပျက်စီးကြစေလင့်။
အရာမဟုတ်သည့်၌ ရန်မူခြင်းကြောင့် ပျက်စီးကြသော
ဖန္ဒနဇာတ်တော်။ပညာမဲ့တို့၏စကားကြောင့်
ပျက်စီးကြသော ပထဝီဥန္ဒြိယဇာတ်တော်။
အားသေးသော်လည်း အားကြီးသူအား ပျက်ဆီးစေသော
လဋုကိကဇာတ်တော် တို့ကို ဟောကြားတော်မူ၏။
ထို့နောက် ညီညွတ်ခြင်း၏ အကျိုးတရားတို့ကို
ပြသော “ရုက္ခဓမ္မဇာတ်၊ ၀ဋ္ဋကဇာတ်ကိုလည်း
ဟောကြားတော်မူ၏။

ထိုအခါမင်းမျိုးတို့သည် ဤစစ်မြေပြင်သို့ မြတ်စွာဘုရား
မကြွလာခဲ့လျှင် ငါတို့အားလုံးသွေးချောင်းစီး၍သေကြေ
ပျက်စီး ကြကုန်လတ္တံ။ယခုအခါ အသက်သေရခြင်းဘေးမှ ချမ်းသာကြရပေပြီ။မြတ်စွာဘုရားသည် တောမထွက်ခဲ့
လျှင် စကြာဝတေးမင်းကြီးဖြစ်မည်။အခြံအရံမင်းသား
စွာနှင့် နေရမည်ဖြစ်ပေသည်။ ယခု ဘုရားဖြစ်သည့်အခါ
မှာလည်း မင်းသားအခြံအရံများနှင့် နေရမှသာ သင့်တော်
မည်ဟုဆိုကြကာ ကပိလဝတ်ပြည်မင်းမျိုးမှ မင်းသား
နှစ်ရာငါးဆယ်၊ ကောလိယပြည် မင်းမျိုးမှ မင်းသား နှစ်ရာငါးဆယ်တို့ကို မြတ်စွာဘုရားအားအပ်နှင်းကြ
လေကုန်၏။ မြတ်စွာဘုရားသည် ထိုမင်းသားငါးရာတို့ကို ဧဟိဘိက္ခုခေါ်တော်မူ၍ရဟန်းပြုပေးတော်မူလိုက်၏။

ထိုရဟန်းငါးရာတို့သည် သားမယားတို့ထံမှ သတင်း
စကားများကို ခဏခဏကြားရသောကြောင့် လွန်စွာ
ပျင်းရိကြကုန်၏။ မြတ်စွာဘုရားသည် ထိုအကြောင်းကို
သိတော်မူ၍ ဟိမဝန္တာ၌ရှိသော ကုဏာလရေအိုင်၏
ပျော်မွေ့ဖွယ်ရာ ဂုဏ်ကျေးဇူးများကို ချီးမွမ်းပြောကြား
ကာ ကုဏာလအိုင်သို့ လိုက်ခဲ့ကြလော့ ဟုဆိုကာ မြတ်စွာဘုရား၏ တန်ခိုးတော်ဖြင့် ကောင်းကင်မှ ခေါ်ဆောင်သွားတော်မူလေ၏။

ကုဏာလရေအိုင်သို့ ရောက်သောအခါ
“မသိတာကို မေးကြလော့” ဟု မြတ်စွာဘုရားက မိန့်ကြား
တော်မူ၏။ ရဟန်းငါးရာတို့သည် မမြင်ဖူးကြသော ငါးတို့ကို မေးကြကုန်၏။မမြင်ဖူးကြသော တိရစ္ဆာန်
တို့ကို မေးကြကုန်၏။ မမြင်ဖူးကြသောသစ်ပင်တို့ကို
မေးကြကုန်၏။ မေးတိုင်း၊မေးတိုင်း အမည်နာမနှင့်တကွ
မြတ်စွာဘုရား ဖြေကြားတော်မူလေ၏။

ထိုသို့ဖြေကြားနေသည့်အခိုက်အတန့်၌ပင်ငှက်နှစ်ကောင်
တို့သည် ချီ၍ အလယ်တည့်တည့်၌  ငှက်မင်းကို ထိုင်စေ
လျက် ပျံသန်းလာကြ၏။ ရှေ့နောက်ဝဲယာတို့မှလည်း ငှက်အပေါင်းတို့ခြံရံကာ ပျံသန်းလာကြ၏။ ဤကဲ့သို့ အံ့ဩဖွယ်ရာ ပျံသန်းလာကြသည်ကို ရဟန်းငါးရာတို့ မြင်ကြလေ၏။

တုတ်တံ၏အလယ်၌ ထိုင်လျက် တည်၍လိုက်ပါသော
ငှက်သည် ငှက်တို့၏မင်းဖြစ်လိမ့်မည်။ တုတ်တံကို
နှုတ်သီးဖြင့် ချီလာသော ငှက်နှစ်ကောင်နှင့် ဝဲယာမှ
ပျံသန်းလိုက်ပံကြသော ငှက်အပေါင်းတို့သည် အခြံအရံများ ဖြစ်ကြပေလိမ့်မည်ဟု ရဟန်းငါးရာတို့ ပြောဆိုကြကုန်၏။

ထို့သို့ ပြောဆိုသောအခါ မြတ်စွာဘုရားက
“ချစ်သားရဟန်းတို့၊သင်တို့မှတ်ထင်ပြောဆိုသည့်အတိုင်း
မှန်ပေသည်။ ဤငှက်အမျိုးအနွယ်တို့သည်ရှည်မြင့်စွာ
သော ဘဝသံသရာက ငါဘုရား၏ အမျိုးအနွယ်များ ဖြစ်ကြပေသည်”ဟု မိန့်ကြားတော်မူ၏။

ရဟန်းတော်များက “မြတ်စွာဘုရား၊ဤငှက်မျိုး၌
မြတ်စွာဘုရား ပါရမီနုစဉ်က ဖြစ်ခဲ့ရသည့် အတိတ်
ဇာတ်ကြောင်းကို သိလိုကြပါသည်။ ဟောကြားတော်မူပါ
ဘုရား”ဟု လျှောက်ထားကြသဖြင့်“ကုဏာလဇာတ်” ကို ဟောကြားတော်မူ၏။

ကုဏာလဇာတ်ကို နာကြားရသော ရဟန်းတော်တို့သည်
စိတ်ကြည်နူး နှစ်သက်မှုပီတိများ ဖြစ်ကြပေသည်။
ပီတိကို အမှီပြု၍ ကိုယ်စိတ်တို့၏ ငြိမ်းအေးမှု ပဿဒ္ဓိများ ဖြစ်ကြရပေသည်။ ပဿဒ္ဓိကိုအမှီပြု၍ စိတ်တည်ငြိမ်မှု သမာဓိများ ဖြစ်ကြရပေသည်။
သမာဓိကို အမှီပြု၍ ရုပ်နာမ် ကြောင်းကျိုး
အနိစ္စ ၊ ဒုက္ခ ၊ အနတ္တတို့ကိုသိသော ဝိပဿနာဉာဏ်များ
ဖြစ်လာကြပေသည်။ ဝိပဿနာဉာဏ် အဆင့်ဆင့်
ရင့်ကျက်လာကြပြီးလျှင် အဘိဉာဏ်ရသော သောတာပန်
ပုဂ္ဂိုလ်များ ဖြစ်သွားကြလေ၏။

ထိုရဟန်းတော်တို့ အဘိညာဉ်ရသော သောတာပန်
ပုဂ္ဂိုလ်များ ဖြစ်သွားပြီးသောအခါ မြတ်စွာဘုရားသည်
ထိုရဟန်းတော်တို့ကို ကောင်းကင်ခရီးဖြင့် ခေါ်ဆောင်၍
မဟာဝုန်တောသို့ ပြန်ကြွတော်မူ၏။ လိုက်ပါသွားကြလေ
ကုန်၏၊ မဟာဝုန်တောသို့ ရောက်သောအခါ
ထို ရဟန်းတော်တို့အား အထက် မဂ်ဖိုလ် (၃)ပါးအတွက်
ကမ္မဋ္ဌာန်းတရားများကို မြတ်စွာဘုရား ဟောကြား
ပေးသနားတော်မူ၏။ ရဟန်းတော်တို့သည် ဆိတ်ငြိမ်ရာ
အရပ်သို့ ချဉ်းကပ်ကာ ဝိပဿနာ ကမ္မဋ္ဌာန်းတရားကို
ကြိုးစားအားထုတ်ကြသဖြင့် ရဟန္တာပုဂ္ဂိုလ်များ
ဖြစ်သွားကြလေ၏။

ထိုရဟန္တာပုဂ္ဂိုလ်တို့သည် မိမိတို့ ရရှိခဲ့ကြသော ရဟန္တာ
အဖြစ်တရားထူး၊တရားမြတ်များကို လျှောက်ထားလို၍ မြတ်စွာဘုရားထံသို့ အသီးသီး ရောက်လာကြလေ၏။ မြတ်စွာဘုရားအနီး၌ ရဟန္တာငါးရာကို ရောက်ရှိ နေသော
အချိန်သည် မြတ်စွာဘုရား (၄)ဝါရပြီးသောအခါ
မဟာသက္ကရာဇ် ၁၀၇ခုနယုန်လပြည့်နေ့လရောင်ထိန်
လင်း ရှုခင်းသာယာ ညဥ့်အချိန်အခါ ဖြစ်ပေသည်။

လရောင်ထိန်လင်း ရှုခင်းသာယာ ထိုနယုန်လပြည့်
ညဥ့်အခါ၌ ကိလေသာအညစ်အကြေးတို့မှ ကင်းစင်၍
ဘုန်းတော်ခြောက်ပါးနှင့် ပြည့်စုံတော်မူသော
မြတ်စွာဘုရားကို ကိလေသာအညစ်အကြေးကင်းစင်
ကြသော ရဟန္တာပုဂ္ဂိုလ်ငါးရာတို့ ခညောင်းဝန်းရံလျက် သီတင်းသုံးနေတော်မူကြ၏။ ထိုသို့ နေတော်မူကြသည်
ကို မြင်ကြသော မဟာဝုန်တောအနီးအနား၌ ရှိနေကြသော နတ်တို့သည် မြင်ကြကုန်၏။

ထို့သို့ မြင်ကြသောအခါ
“အမောင်နတ်တို့ ၊ လာကြကုန်လော့၊မြင်ခြင်း၊တရားနာခြင်း၊ သံယာဖူးမြင်ခြင်းတို့သည်
အကျိုးများလှ၏။ လာကြကုန်လော့၊ သွားကြကုန်စို့”
ဟု များစွာသော အသံတို့ဖြင့် ကြွေးကြော်ကြကာ
သွားရောက်၍ မြတ်စွာဘုရားနှင့် ရဟန္တာငါးရာတို့ကို
ရှိခိုးကာ နေကြကုန်၏။

ထိုနတ်တို့၏ ကြွေးကြော်သံတို့ကို အဆင့်ဆင့်ကြားကြ၍
တစ်သောင်းသော စကြဝဠာတိုက်တို့မှ နတ်ဗြဟ္မာတို့
စုဝေး ရောက်လာကြကုန်၏၊ ဤစကြဝဠာတိုက်၌
နတ်ဗြဟ္မာတို့ဖြင့် ပြည့်ကျပ်၍နေ၏။ အလွန်သိမ်မွေ့
သေးငယ်သော ခန္ဓာကိုယ်ကို ဖန်ဆင်း၍ နေကြရကုန်၏။
မြတ်စွာဘုရား၏အနီးတွင် သားမြီးတစ်မျှင် (ဆံပင်တစ်မျှင်)မျှသော နေရာ၌ တစ်ဆယ်၊နှစ်ဆယ်၊သုံးဆယ်သောနတ်ဗြဟ္မာတို့ နေကြရကုန်၏။ မြတ်စွာဘုရားနှင့် ဝေးသောနေရာတို့၌ သားမြီးတစ်မျှင် (ဆံပင်တစ်မျှင်) မျှသောနေရာတို့၌ ခြောက်ဆယ်သော နတ်ဗြဟ္မာတို့အလွန်သိမ်မွေ့ သေးငယ်သော ခန္ဓာကိုယ်ကို ဖန်ဆင်း၍ နေကြရကုန်၏။

ဤကဲ့သို့ အလွန်များပြားသော နတ်ဗြဟ္မာတို့ စည်းဝေး
ရောက်လာကြသောအခါ ရှေးဦးစွာ ထိုနတ်ဗြဟ္မာတို့၏
အမည်တို့ကို ဖော်ထုတ်၍ ဟောကြားတော်မူ၏။
ထို့နောက် နတ်ဗြဟ္မတို့၏ စရိုက်အားလျော်စွာ
မဟာသမယသုတ္တန် ခြောက်သုတ်ကို
ဟောကြားတော်မူ၏။
(၁)။ တပ်မက်ခြင်း = ရာဂစရိုက်များသော
နတ်ဗြဟ္မာတို့အား သမ္မာပရိဗ္ဗာဇနီယသုတ်၊
(၂)။ ကြမ်းတမ်း ပြစ်မှားခြင်း = ဒေါသစရိုက်များသော
နတ်တို့အား ကလဟဝိဝါဒသုတ်၊
(၃)။မသိတွေဝေခြင်း - မောဟစရိုက်များသော
နတ်ဗြဟ္မာတို့အား မဟာဗျူဟာသုတ်၊
(၄)။ ကြံစည်ခြင်း = ဝိတက်စရိုက်များသော
နတ်ဗြဟ္မာတို့အား စူဠဗျူဟာသုတ်၊
(၅)။ ယုံကြည်ခြင်း = သဒ္ဓါစရိုက်များသော
နတ်ဗြဟ္မာတို့အား တုဝဋကသုတ်၊
(၆)။ အသိဉာဏ်ရှိခြင်း - ဗုဒ္ဓိစရိုက်များသော
နတ်ဗြဟ္မာတို့အား ပုရာဘောဒသုတ်၊
ဟူသော ၆-သုတ် တို့ကို ဟောကြားပါသည်။
(မဟာဝဂ္ဂ-ဋ္ဌ၊၂၆၆)

တစ်သုတ် တစ်သုတ်တို့၏ ဟောကြားခြင်း အဆုံးအဆုံး၌ ကုဋေ တစ်သိန်းသော နတ်ဗြဟ္မာတို့ ရဟန္တာဖြစ်ကြသည်။ သောတာပန်၊သကဒါဂါမ်၊အနာဂါမ်ဖြစ်သူတို့လည်း မရေ
တွက်နိုင်အောင် များပြားကြလေသည်။နတ်ဗြဟ္မာ
တို့အတွက် အလွန်အကျိုးများသော သုတ္တန်များဖြစ်ကြ၍ ဤမဟာသမယသုတ္တန်များကို ရွတ်ဆိုသောပုဂ္ဂိုလ်တို့
အား နတ်ဗြဟ္မာတို့က အထူးစောင့်ရှောက်ကြသဖြင့်
ဘေးရန်ကင်း၍ ကောင်းကျိုးချမ်းသာအမျိုးမျိုးတို့ကို
ရရှိနိုင်ကြပေသည်။ ။
-【စာရိုက်ပူဇော်သူ - Admin Team of
Young Buddhist Association】
-【မဟာစည်နာယက၊အဂ္ဂမဟာ
ကမ္မဋ္ဌာနာစရိယ၊အရှင်ကုဏ္ဍလာဘိဝံသ-
သဒ္ဓမ္မရံသီရိပ်သာဆရာတော်ဘုရားကြီး】
Credit

နှစ်သစ်အစပြုကောင်းမှု့ပြည့်ပါစေ

နှ စ်သစ်အစပြု  ၃၁ဘုံသားအားလုံး
ရွှင်လန်း ချမ်းမြေ့ အေးချမ်းသာယာရှိပါစေ
ဘေးရန် ကင်းပ ကိုယ်စိတ် နှစ်ပါး
ကျန်းမာပျော်ရွှင်ပါစေ

အမေမှာတမ်း

"အမေမှာတမ်း " (၁)
သမီး = သား
သူများဆီက မေတ္တာ နွေးထွေးမှု စောင့်ရှောက်မှုရလိုလျှင်
မိမိကအရင်ဆုံးနွေးထွေး ချစ်ခင်စောင့်ရှောက်မြတ်နိုးမှု့ပေးလိုက်ပါ
အဲ့တာမှတစ်ဖက်က မသိကျိုးကျင်ပြုမူနေတယ်ဆိုရင်တော့
အဲ့ဒီလူကို သေလူသို့ ရှင်လျှက်နဲ့ လူသေဖြစ်နေတယ်လို့သာ
ထင်မှတ် မြင်ယောင်ပေါင်းသင်း ဆက်ဆံလိုက်တာဟာအကောင်းဆုံးပါ
လူသေဆီမှ ဘာတုံပြန်မှုမှမပေးဘဲ အပုတ်နံပေးနေတာ
ဒါသဘာဝပါသမီး တို့သားတို့ဝေးဝေးနေတော့ ရွံ့ရှာစက်ဆုတ်စရာ အပုတ်နံကင်းပတာပေါ့နော်..
စိတ်ဆိုတာဟာ မျှော်လင့်သလို ဖြစ်မလာလျှင်
ခံစားနာကျင်တတ်သည့်သဘောရှိ၏
အရာဝတ္ထုတစ်ခုအားကြည့်လျှင်
 အနီးအဝေးအမြင်ချင်း  မတူတတ်သကဲ့သို့သာမှတ်ယူပါ

''အမေမှာတမ်း "(၂)
သား=သမီး
သေချာ စစ် ကြည့်ပါ
တစ်ယောက်နဲ့တစ်ယောက်
အတ္တတွေ နဲ့မြင်နေသမျှ
စကားလုံးတွေနဲ့ပစ်ပေါက်
စိတ်စိတ်ခြင်း သတ်ဖြတ်၍
ကိလေသာ အမှောင်ထဲမှာ မျက်ကန်းများကဲ့သို့
စီးချင်းထိုးနေရမှာပါ ..

အမေ

မှာတမ်း (၃)
သား=သမီး
အမှန်တရားကို မျက်ကွယ်ပြုနေသမျှ
တရားအမှန်ကို မရရှိနိုင်ပါ

မိမိ၏ လုပ်ဆောင်ချက်တိုင်းကို မိမိကိုယ်တိုင်သိရှိ၍
အမှန် အမှား  ဝေဖန်ပိုင်းခြား၍
 မိမိကိုယ်ကို အမှန် မြင်နိုင်ပါစေ
မိမိကိုယ်ကို ဟန်ဆောင်နေသ၍
ကန်းနေသူဖြစ်သည် အမှန်ကို မမြင်နိုင်ပါ
အမှန်မြင်၍အကန်းဘဝမှ လွတ်မြောက်အောင်ကြိုးစားနိုင်ပါစေ
သား=သမီးတို့
မိမိ၏ကိုယ်နှင့် မိမိ၏စိတ် အာရုံထိရှမှု့ မှန်သမျှကို
 တရားအမှန် အမှန်တရားအတိုင်း သိနိုင်ပါစေ..
အမှန်ကိုသိရှိ၍ အမှန်ကိုလက်ခံနိုင်ပါစေ..

အမေမှာတမ်း (၄)
သား=သမီး
လူဘဝဆိုတာဟာ
မီးပုံကြီးထဲသို့  မီးငြိမ်းမှာစိုး၍
စဉ်ဆက်မပြတ် မီးတောက်အောင်
လောင်စာများစွာ ယူထည့်နေသော ဒုက္ခဘုံဖြစ်တယ်
သား=သမီး
မိမိကိုယ် နှင့် မိမိစိတ်ထိရှမှု့မှန်သမျှဟာ
 မီးပုံကြီးတောက်လောင်ကြီးမားလာအောင်
လောင်စာများယူ၍
ထည့်နေသူများသာဖြစ်တယ်
ခန္ဓာ၏ဒုက္ခ ငြိမ်းအေးသော
ဘဝပိုင်ရှင်များဖြစ်အောင်ကျိုးစားနိုင်ကျပါစေ..

ဥပဒေကိုမုဒိန်းကျင့်ခံရခြင်း

နိုင်ငံတော်အတိုင်ပင်ခံနှင့် လွတ်တော် လူကြီးမင်းများသိစေရန်
😢ဥပဒေကို မုဒိန်းကျင့်ခံရခြင်း😭
မုဒိန်းမှု့ ကို မကိုင်တွယ်နိုင်ဘူးလား ဥပဒေ
 ဥပဒေ ကို ဘယ်သူပိုင်သလဲ
ယိုသူမရှက် မြင်သူရှက်မို့
မုဒိန်းမှုကင်းဝေးရေး သေဒဏ်ပေးဖို့ ဝန်လေးနေလားဥပဒေ
မုဒိန်းကောင်များက ဥပဒေကို မုဒိန်းကျင့်နေပြီဥပဒေ
မုဒိန်းကျင့်ခံရ ဥပဒေဟာ စုတ်ဖြဲကားယား သွေးထွက်သံယို
အပိုင်းပိုင်းအတစ်တစ် သေသွားပြီလားဥပဒေ
ဆွံ့အ နားမကြား………
တာဝန်ရှိပုဂ္ဂိုလ်များ မုဒိန်းကောင်ကိုကြောက်နေလား
ကလေး လူမမယ် ငယ်ရွယ်ကြီးလတ် ပျိုပျို အိုအိုပြည်သူအများ
ဥပဒေ နဲ့အတူ မုဒိန်းကျင့်ခံနေရတယ် ဥပဒေရယ်
မုဒိန်းမှု့ကင်းဝေးရေး သေဒဏ်ပေးမှ
ပြည်သူအများ ရင်အေးမှာပါ ဥပဒေရယ်