ဝှက်ဖဲတွေ ကစားနေမှာလား
ဘုရင်တွေအကွက်ရွှေ့နေတာလား
နေ့နဲ့ည မှားနေတာလား
ဥတုရာသီ ပျက်နေတာ
လူကြောင့်လား
ကမ္ဘာကြောင့်လား
တောမီးလောင်တာ
စစ်မီးလောင်တာ
ရှို့မီးလောင်တာ တို့မီးလောင်တာ
ကမ္ဘာကြီး စောင်းနေတာကြောင့်များလား
ဘောင်တွေခတ်ပြီး အယူဝါဒမှိုင်းမိလို့များ
လောက ပိုပူလာတာလား
စိတ်တွေ
တက်လိုက်ကြလိုက်
လူတွေ သတ်လိုက် ဖြတ်လိုက်
သတ္တ၀ါတွေ သေလိုက်ကြေလိုက်
ကူးသန်း လူးလားခတ်နေတာများ
ဘောင်ခတ်ထားတဲ့ ရေပူကန်ထဲ
အမှောင်ထဲကလူများ
ပျော်မြူးနေသလိုပါပဲလားနော်..
ချစ်ခြင်းတရားနဲ့ ပြည်ထောင်စု
အခိုင်မာဆုံးသော ပြည်ထောင်စုတွေ၊ ကမ္ဘာအရပ်ရပ်မှာ ပြိုကွဲလျှက်ရှိကြသည်
အယူအဆအမျိုးမျိုး လိုရာဆွဲကာ၊ စစ်ခင်းလျှက်ရှိကြသည်
လူမမယ်ကလေးများ၊ အဘိုးဘွားနဲ့ သားသည်မိခင် ရတက်မအေး ရပြီ ...
ဒီအဖြစ်မျိုးတော့ မကြုံချင်ဘူးလေ၊ အခြေအနေအရပ်ရပ်ကို အစဉ်သုံးသပ်ကြမည်
အနာဂါတ်အကျိုးအတွက် မျှော်ရည်မှန်းကာ ချစ်ခြင်းတရားမြဲမည်
ပြည်ထောင်စုသားတွေ မကွဲမပြားပဲ နှလုံးသားနဲ့ သတိမူကြရင် ရတက်အေးရလိမ့်မည် ...
ဒို့အသက်နဲ့ ဒို့ခန္ဓာတွေ အမြဲရှိသရွေ့ရင်ထဲမှာ
ဒို့ချစ်တဲ့ပြည်ထောင်စုကို အစဉ်စောင့်ထိမ်းဖို့အဓိဌာန်ရည် ..................
0 comments:
Post a Comment