တာရာမင်းဝေ ကဗျာစုစည်းမှု

တာရာမင်းဝေ ကဗျာစုစည်းမှု
Sep 26, '10 6:31 PM
for everyone

♥တာရာမင်းဝေ ကဗျာစုစည်းမှု♥♥
ဇ
ကျွန်တော့်ကို ဇိကုပ်ပြီး
နတ်ပြည်မပို့ကြပါနှင့်.........

.
ကိုယ့်ဘာသာ ကိုယ်သွားမည်.......
ကိုယ်ကိုဇိလာကုပ်တာမျိုး
ကျွန်တော်မကြိုက်ပါ........
မနာတတ်ဘူးဆိုလျှင်တောင်
ယားတော့ယားတတ်သည်........
ထိုသို့ဖြင့်ဇာတ်ကြီးက
မျောသွားသည်...........
ဇာတ်မျောကို လိုက်ဆယ်ရင်း
ပင်လယ်ကပါ မျောသွားသည်
ဘာမှမကျန်ရစ်ခဲ့.......

တာရာမင်းဝေ

အ
အထွေအထူးပြောစရာ
မရှိပါ............
အစကတည်းက(အ)နေသော
ဝတ္ထုပါ.........
အဂ်လိပ်လိုအဲန့်(end)ဟုပြောလျှင်
ရနိုင်ပါသည်........
သို့သော်ကျီးကန်းခလုတ်တိုက်သံ
နှင့်တူနေ၍မပြောတော့ပါ......
ဘာပဲပြောပြောဝတ္ထုက
ပြီးသွားပါပြီ.........
ဝတ္ထုနှင့်အတူအရာအားလုံးကိုလည်း
ပြီးလိုက်စေခြင်ပြီ..........
ဖတ်သူကိုရော
မဖတ်သူကိုရော
အထူးကျေးဇူးတင်ပါသည်.................

တာရာမင်းဝေ
ဟ
ဟတ်တတ်ကွဲခွင့်ပြုပါ
အက်နေရတာကိုစိတ်ညစ်လွန်းလို့
ဟတ်တတ်သာကွဲခွင့်ပြုကြပါ
ဘယ်လိုအခြေနေမှာမှ
ဟောင်ဖွာဟောင်ဖွာမလုပ်ခဲ့ပါဘူး
ဘယ်တုန်းကမှလည်းဟန်ကျပန်ကျ
မရှိခဲ့ပါဘူး
ဈေးသည်အေးကြွယ်နဲ့
သီချင်းအတူဆိုဘူးယုံလောက်ပါ
ဟိုတုန်းကဟုန်းဟုန်းတောက်ခြင်ခဲ့သမျှ
ခုတော့လည်း
ငြိမ်းချမ်းသင်းမြချင်ပြီ

တာရာမင်းဝေ
ဖ
္မဤ၀တ္ထုကိုဖာသိဖာသာ ဖတ်ပါ
ဖောခြင်းသောခြင်း ဖတ်ပါ
ဖီလာကန့်လန့် ဖတ်ပါ်
ဖက်လှဲတကင်း ဖတ်ပါ
ဖြုတ်ခြည်းရုတ်ခြည်း ဖတ်ပါ
ဖင်ပြန်ခေါင်းပြန် ဖတ်ပါ
ဖတ်လပ် ဖတ်လပ် ဖတ်ပါ
ဖျပ်ဖျပ်လူးပြီး ဖတ်ပါ
ဖျဉ်းဖျဉ်းကွဲအောင် ဖတ်ပါ
ဖြိုးဖြိုးဖြောက်ဖြောက် ဖတ်ပါ
ဖွတ်ဖွတ်ညက်ညက်ကြေအောင် ဖတ်ပါ
ဒါမှမဟုတ် မဖတ်ပါနှင့်

တာရာမင်းဝေ
ဧဒင်ဥယျာဉ်အသွား
္ဒတစ်နေ့တော့ င့ါမှာ ချစ်သူတစ်ယောက်ရှိလာမှာပဲ...
အဲလိုပြောတော့အားလုံးက ၀ိုင်းရယ်ကြတယ်....
"ဒါ...မဖြစ်နိုင်တဲ့ ပုံပြင်ပဲ...."
မဖြစ်နိုင်တဲ့ ပုံပြင်ဆိုတာ မရှိဘူး....
"ဘာဖြစ်လို့လဲ"
ပုံပြင်ထဲမှာ အားလုံးဖြစ်နိုင်တယ်လေ....
လူရှိရင် အချစ်ရှိမှာပဲ.....
အချစ်ရှိတော့ ဘာဖြစ်မလဲ....
အချစ်ရှိတော့ စိတ်ကူးယဉ်မှုတွေရှိမယ်...
စိတ်ကူးယဉ်မှု ရှိတော့ ဘာဖြစ်လဲ....
စိတ်ကူးယဉ်မှုရှိတော့ အားပျော့မှုတွေ ရှိတယ်....
အားပျော့မှုတွေ ရှိတော့.....ဘာဖြစ်လဲ....
အားပျော့မှုတွေ ရှိတော့ ထောက်ကွက် မှုတွေ ရှိတယ်...
ထောက်ကွက်မှုတွေရှိတော့ ..ဘာဖြစ်လဲ....
ထောက်ကွက်မှုတွေ ရှိတော့ တံတောင်ဆစ် ရှိတာပေါ့ဗျ....
ဟင်..........ဘာဆိုင်လို့တုန်း.....
သိပ်ဆိုင်တာပေါ့.......
"ရှင်းစမ်းပါဦး"

...........................(တာ ရာ မင်းဝေ)............................
စိတ်
စိတ်မရှည်တဲ့နေ့ဆိုတာရှိကြမှာပါ
ကျွန်တော်စိတ်မရှည်ခဲ့ဘူး
စိတ်မရှည်လို့
စိတ်မရှည်ကြောင်းကို
စိတ်မရှည်စွာ
ကျွန်တော်ပြောရင်
ခင်များကစိတ်ရှည်ပါ
ဟိုလူ.............အားနာတယ်
..............အားနာတယ်
....................အားနာတယ်
ရိုင်းတာကကျွှန်တော်ပါ...............

တာရာမင်းဝေ
ငါနှင့်သူမ
(၁) ကျွန်တော်မှာ ကျောက်သင်ပုန်းလေးတစ်ချပ်ရှိပါသည်...

(၂) ထိုကျောက်သင်ပုန်းလေး၏ တစ်ဖက်မျက်နှာတွင် မျှော်လင့်ချက် မီတာခ
လက်ဖက်ရည်ကျစိမ့်
ကဗျာစာအုပ် အလုပ်လျှောက်လွှာ ............ဟု.ယောက်ျားလက်ရေးဖြင့်
ရေးထားပါသည်.........

(၃) ကျောက်သင်ပုန်းကလေး၏ အခြားတစ်ဖက်မျက်နှာတွင် ကိန်းဂဏန်းများ
ပေါင်းနုတ်မြှောက်စားများ မာမီနှလုံးရောဂါ ဆယ်လူလာနံပါတ်
.............ဟု မိန်းကလေးလက်ရေးဖြင့်
ရေးသားထာပါသည်................

(၄) ကျွန်တော်သည် ထိုကျောက်သင်ပုန်းလေးကိုလေထဲတွ င်တွဲလောင်းချထားပါသည်
တစ်ခါတစ်ခါတွင် ............ယိမ်းထိုးလှုပ်ရှား၍..............
တစ်ခါတစ်ခါတွင်ပတ်ခြာလည်နေပါသည်။
ထို့သိုပင်သူအသက်ရှင်နေပါသည်..................

(၅) ထိုကျောက်သင်ပုန်းလေး၏ အမည်မှာ
'' ငါနှင့်သူမ" ဟူ၍ဖြစ်ပါသည် ။။

(၆) မိတ်ဆွေ........
ကျွန်တော်လို ...............ခင်များ....
အဲ့ဒီကျောက်သင်ပုန်းလေးမျိုး....................ရှိဘူးလား.............

တာရာမင်းဝေ

♥♥

တေလေမှတ်တိုင်

ကြယ်တွေ ကြယ်တွေ
သမ်းဝေမှု ချောင်းချောင်းထ
ဟောင်းလောင်းပွင့်နေတဲ့..ည။

ဝိညာဉ်နှင်းမှုန်တစ်စက်
အိပ်မက် မြင်းခွာ အမှတ်(၁၃)
တစ်ယောက်တည်း အတုံးအရုံးလဲသူ
ငါ့ ကံကြမ္မာနဲ့..လူ

ဂမ္ဘီရ သစ်ပင်မှာမှ
စွယ်တော်ပွင့်အို ရှာချင်တဲ့လက်
ကားစင်တင်ပြီး မီးရှို့သတ်မယ်။

လပြည့်ဝန်းရေ
ပန်းကန္တာရမှာ
အမုန်းတွေ လဲ့ပြာကွဲအက်
ငါဟာ
ကိုယ့်ကိုကိုယ် ပြန်တူးနေတဲ့
ပေါက်ချွန်းတစ်လက်ကွဲ့ သိရဲ့လား။

ခြင်္သေ့နဲ့ ဘယ်လိုတိုက်တိုက်
ဘီလူးနဲ့ ဘယ်လိုကိုက်ကိုက်
ချစ်မိသူလောက်တော့
ဘယ်သူမှ လူမိုက် မမည်။

ကဝေမီးတောက်
ဆောင်းဦးပေါက် အရက်တစ်အိုး
မြူခိုးဝေေ၀ကျောက်ခဲများ
ငါ့ကိုထားခဲ့ပါ။

တေလေမှတ်တိုင်
မျှော်စင်တွေထက် ပိုခိုင်လာရဲ့
ခြေထောက်ကတစ်ခြား လမ်းတစ်ခြား
ငါဘယ်တော့မှ မသွားဘူး မိန်းကလေးရေ။

တာရာမင်းဝေ-မိုးခေါင်လို့ တီးတဲ့ဗုံသံ

နှင်းလူ

နှင်းလူဟာ
ဂူထဲမှာ ဘီလူးဒူးတုပ်ထိုင်လျက်
အမှောင်ကြုတ်ကြုတ်ကို ကိုက်မြို ၀ါးစားရင်း
နေ နဲ့လည်း စိတ်ချင်း ဆက်သွယ်ကြည့်တယ်။

ရွှံ့မီးအိမ်နဲ့ ဝေ့ပတ်ပြီး
မြောက်အရပ်ကို ရှာဖွေကြည့်တော့
ဓူဝံကြယ် ကြွေသွားတာ ကြာပြီတဲ့။

သူရှုံးသွားတယ်
သူ့ပါးစပ်ကို သူဖြဲပြီး
မြောက်ပြန်လေက ဆောင်းတွေကို ရိုက်ခွဲကြိတ်ထည့်
လွမ်းရင် လိုက်ခဲ့လို့ မှာတယ်။

အဲဒီလိုနဲ့
နွေဦးပေါက် များစွာကို လွန်လေပြီးမှ
ပြန်လည် နိုးထလာတဲ့ ကျောက်နှင်းလူ
တောက်တစ်ချက်ခေါက်ပြီး သူ့ကိုယ်သူ ထူတယ်။

ပြီးတော့
သွေးတွေကို တဂျုံးဂျုံး ပြန်မောင်း
ကောင်းကင်ကို
ပိတောက်တွေနဲ့ တဗောင်းဗောင်းပစ်ပေါက်
မီးပွင့်မတတ်၊ ခါးထောက်ရပ်လိုက်တယ်။

ငါ..(သို့မဟုတ်)
နှင်းလူကလေးရဲ့ မှတ်တမ်းမှာ
အဲဒီဆောင်းကို ခပ်ကြမ်းကြမ်းလေး ရေးထားမိ
သတိရတိုင်း ပြန်ပြန် ဖတ်ကြည့်လို့ပေါ့။

တာရာမင်းဝေ-မိုးခေါင်လို့ တီးတဲ့ဗုံသံ

လယ်သူမ

ကျွန်တော့် တောင်ကုန်း ကလေးပါ
အလင်းတွေနဲ့
ခပ်မို့မို့ တည်ဆောက်ထားတယ်။

နေ့ရက်တွေကြာ
နွေအပြာတွေ ပွင့်ပွင့်သွား။
ဖြတ်သန်းပြီးသား တိမ်တွေ
တစ်အုပ်ပြီး တစ်အုပ် ပြန်ကွေ့လာကြ။
... ... ...
ကျွန်တော် ပွေ့ပိုက်ခဲ့ရတယ်။

နောက်ဆုံးတော့လည်း
ဘာမှ မဟုတ်ခဲ့ပါဘူး။
ကိုယ့်ရင်ဘတ်ကိုယ် အကြမ်းကြုတ်ဆုံး ဆွဲဖွင့်ပြီး
နေပူကြဲကြဲတွေ သွန်ချ ပစ်ရတာက လွဲရင်ပေါ့။

သံယောဇဉ်ကိုမှ
ခုတ်ထွင်ရှင်းလင်းတတ်တဲ့ လယ်သူမရယ်
အခုတောင် လွမ်းတယ်။

တာရာမင်းဝေ-မိုးခေါင်လို့တီးတဲ့

ဗုံသံ

ခေါင်းလောင်းသံစာတမ်း

(၁)‎
ကြယ်တာရာတွေစူးစူးဝါးဝါးငုံ့ကြည့်နေတဲ့ကဝေည
မေမေ့ … ကိုကျွန်တော်သတိရလိုက်တာ … ‎
ညဉ့်ငှက်တွေက ကမ္ဘာအပေါ်ယံမှာလူးလာပျံသန်း
လရောင်ကိုတောင်ပံနဲ့တဖျန်းဖျန်းရိုက်ကြတယ် … ။

လောကအတုမှာ … လူသားအတုတစ်ယောက်
ကိုယ့်ပေါက်ချွန်းကိုယ်ထမ်းပြီးလမ်းလျှောက်နေတယ်
မေမေ … ‎
ကျွန်တော့်အတွက်တော့မေမေ့ရင်ခွင်ဟာ
သောကကင်းဝေးတဲ့ ငြိမ်းချမ်းရေး “နယ်”ပါ
အခု … ဘယ်မှာလဲ
ဘယ်မှာလဲ … .. ။

မြူမှုန်မိုးနှင်းတွေကရွှေရောင် တ၀င်းဝင်းတောက်
မေမေ့အုတ်ဂူကိုစောင့်ရှောက်ကြလိမ့်မယ်
ကောင်းရာဘုံသို့သွား အားလုံးကိုမေ့ထားခဲ့ပါတော့
မေမေ … ။

‎(၂)‎
ကျွန်တော်မှတ်မိသမျှ … ‎
မေမေ့မျက်လုံးဟာဆောင်းရာသီဆန်လွန်းတယ်
မြူတွေဖုံး၊ နှင်းစက်တွေဖုံး
နေရောင်တွေလည်းခါးကုန်းအောင်ရုန်းခဲ့ရပေါ့

သစ်ကိုင်းခြောက်ကြီးကမီးတောက်ကေ လးကိုမွေးဖွား
ပြာအနန္တတိုင်အောင်ထွေးပိုက်ပျိုးထောင်သွားသလို
မေမေဟာ … ‎
သူ့ကိုယ်သူဖြန့်ခင်းပြီးကျွန်တော့်ကိုလျှောက်နင်းခိုင်းခဲ့တယ် … ။

မုသားတစ်လွှာမာယာတစ်ထပ်၊ ဝတ်ရည်တစ်စက်နဲ့
အို … ခတ္တာရေ … ‎
ပုခက်လွှဲသောလက်တွေနဲ့ကျွန်တော့်ကိုစိုက်ပျိုးခဲ့ရုံသာမက
သူမ..ကိုယ်တိုင်က..‎
ကျွန်တော့်အတွက်ဆိုရင်ပုခက်ဖြစ်ပြခဲ့တယ် … ။

‎“အမေ”အဖြစ်
စုန်ရေသစ်စီးကြောင်း၊တောင်ကျချောင်းကလေး
အေးလို့မွှေးလို့ တည်ခဲ့ပြန်တယ်။

‎(၃)‎
ခြေထောက်တွေကလှေကားထစ်အတိုင်းတက်သွားပြီး..‎
လူက … လှေကားခြေရင်းမှာကျန်ခဲ့ရတယ်
ဘယ်သူမဆို
ကိုယ့်အရိပ်ထဲမှာကိုယ်ပြန်ခိုချင်လို့မရဘူး
ကျွန်တော့်ကို “မေမေ”ပြန်ပေးကြပါ..။‎

ပြက္ခဒိန်ထဲမှာကြယ်ပွင့်ပြရေးစရာ မလိုတဲ့
သာမန်အညတရမွန်းလွဲအိုတစ်ခုက
‎“မေမေ့”ကိုလုသွားတယ် … ။

နေပူအရပ်ရဲ့ကောင်းကင်နက္ခတ်ဖြူများဟာ
လင်းအားပြင်းထန်၊ လူငယ်တစ်ယောက်ရဲ့နှလုံးသားအတွင်းကို
တရှူးထိုးဆင်းချတယ် … .။‎
လက်ဖမိုးနဲ့ဖျက်ဖျက် လက်ဖ၀ါးနဲ့ဖျက်ဖျက်
ပါးပေါ်စီးတဲ့မျက်ရည်စက်လေးကတော့ပျက်သွားမှာပါ
ဒါပေမယ့်မေမေရယ် … ။

‎(၄)‎
မေမေ့မှာ
နာကျင်ခဲ့ရတဲ့ ဂန္တဝင်သက္ကရာဇ်များ
ဆက်ထုံးရှည်လျားလျားနဲ့ရှိခဲ့တယ် …. ။

ငယ်ငယ်တည်းက
‎“ဝ”လုံးဘယ်မှာစဖတ်ရမှန်းမသိတဲ့ကျွန်တော်ဟာ
မေမေ့အကြောင်းကိုလည်းခုထိစာလုံးမပေါင်းနိုင်ခဲ့ဘူး … ။

မေမေ့မှာ
ဘာသာဗေဒမတူ၊ ဖတ်တဲ့စာချင်းမတူ၊ ခူးတဲ့ပန်းချင်းမတူ
မိတ်ဆွေနဲ့မတူတဲ့မိတ်ဆွေတွေရှိတယ် … ။

မေမေဟာ
အက္ခရာနဲ့ဖော်ပြလို့မစွမ်းတဲ့၊ ယဉ်ကျေးမှုအခန်းခန်းကို
လွှမ်းရုံဖန်ဆင်းထားသူဖြစ်တယ် … ။

ကျွန်တော့်မေမေဟာ
သူများမေမေတွေထက် … နို့ရည်ပိုမထွက်ပါဘူး … … .‎
ဒါပေမယ့်မျက်ရည်တော့ပိုထွက်ရင်ထွက်မယ် … .‎
ကျွန်တော်ကလည်းဆိုးခဲ့တယ်လေ …။‎

‎(၅)‎
ဖုန်မှုန့်ပျံ့စင် … ‎
ကျွန်တော့်ရဲ့စိတ်ကူးတယဉ်ယဉ်တွင်းဟောင်း
အခု … လင်းနို့တွေအောင်းနေပြီမေမေ …။

လွန်ခဲ့တဲ့အနှစ် (၂၀)ကျော်
ကျွန်တော်မြင်းရုပ်စီးပြီး၊ သစ်သားခွာကြီးနဲ့ခရီးတွေနှင်
မေမေ့လက်ခုပ်သံတလွင်လွင်ပေါ့ … ။

စိတ်မလိုရင်ကောင်းဘွိုင်ဦးထုပ် ကိုဆွဲဖြဲ
ဂျစ်ကားတွေတက်နင်း၊ ရထား တစ်စင်းလုံးဆောင့်ကန်
ကျွန်တော့်ထမင်းပန်းကန်အထူအပါး
မေမေခွံ့ကျွေးမှစားခဲ့တယ် …။

မေမေက ဥုံဖွလို့မန်းမှုတ်ရင်
ဒုက္ခအပေါင်းဟာတိတ်ဆိတ်ငြိမ်သက်
ကျွန်တော့်ရှေ့မှောက်မှာကြောက်ရွံ့စွာလက်ပိုက်ရပ်ကြတယ် … ။

‎“လူကလေးရဲ့အိပ်ချိန်တန်၊ဗျိုင်းရှေ့ကပျံ” တဲ့
မိုးအုံ့နေတဲ့မျက်လုံးနဲ့ မေမေ့ပုခုံးမှာမှီတွယ်ငိုက်မျဉ်း
ကျွန်တော်ကလည်းအိပ်ပုပ်ကြီးတယ် … ‎
ကျွန်တော်အိပ်တိုင်းမေမေ့ဗျိုင်းကလည်းရှေ့မှာပျံတယ် … ။

ကျွန်တော့်အိပ်မက်
မေမေ့လည်တိုင်ကိုဖက်လို့ပေါ့ … ။

‎(၆)‎
ဟင်းလင်းပွင့်နေတဲ့ကျွန်တော့်ရင်ဘတ်ကိုဖုံးဖို့
အင်္ကျီမှာကြယ်သီးတစ်လုံးလိုနေပြီ …. မေမေ … ။

ငယ်ငယ်ကတည်းက ….‎
မေမေကခံတပ်လုပ်၊ ကျွန်တော်ကသူရဲကောင်းလုပ်
ရန်သူတွေနဲ့ဝေဝေဆာဆာဓါးချင်းခုတ်ဖူးတယ် …. ။

ကျွန်တော့်ဘဝတောက်လျှောက်
မေမေဟာခံတပ်ဆန်သူတစ်ယောက်ပါပဲ … ‎
ကျွန်တော့်ဘက်မှာရပ်တည်၊ ကာကွယ်၊ တိုက်ခိုက်
သူမကိုတော့ … မြားအစင်းစင်းစိုက်ခဲ့တယ် … ။

ကျွန်တော့်ကိုအလိုလိုက် … ကျွန်တော့်ကိုမရိုက်
ကျွန်တော့်ကိုရိုက်လည်းကျွန်တော်မငို … မေမေပဲငို … ။

မေမေပြောတဲ့ကျေးလက်နီတိ
‎“မတတ်ဘဲမန်းရင်တစ္ဆေမုန်းလိမ့်မယ်”‎
ဆေးမျက်လုံးနဲ့ကြည့် … တဲ့။

‎(၇)‎
လေကိုလေနဲ့မှုတ်တာကမှလွဲဦးမယ် … ‎
ကျွန်တော့်ကိုမေမေက …‎
ပညာလှလှတတ်စေချင်တာ … အသေအချာပေါ့ …။

ကောင်းကင်ပေါ်က“လ” နဲ့ဗျည်းစာလုံးထဲက“လ”‎
ဘာကြောင့်မတူတာလဲ …‎
ကျွန်တော်နဲ့အဖော်များ
ကျောင်းတော်မှာသဘောကွဲပြားကြ …။

ကျွန်တော်ကလူပျင်း …‎
သစ်ပင်ခြေရင်းမှာရပ်လိုက်၊ သစ်ပင်ဖျားကိုတက်လိုက်
စာမေးပွဲတွေမှာ …‎
အဆင့်တွေက ၁ မှ ၁၀၀ မရေရာ … ။

တစ်စတစ်စ … ‎
လူငယ်သီချင်း၊ နှင်းဆီဓားသွား၊ ရင်ကြားစိုက်နစ်
ကျွန်တော်ဟာ တေလေကုန်းမှာ ကဗျာဆရာဖြစ်လာတယ် … ။
လူငယ်တစ်ယောက်ရဲ့ရင်ခေါင်းမှာ …‎
အိပ်မက်တွေအမြှောင်းမြှောင်းထ …‎
ဂမ္ဘီရလမင်းကလည်းဝိုက်အုပ်ဖြာဆင်းကျနေတော့တယ် … ။

‎(၈)‎
တစ်ရက်မှာ
မြူပြာမှိုင်းမှုန်၊ အိပ်မက်ကိုစောင်လိုခြုံဆဲ … ‎
ကြယ်တွေအကုန်ကြွေတဲ့ည
ကျွန်တော့်အပေါ်ကြိုးပြတ်ကျတယ် … ။
ကျွန်တော် …‎
မပျော်လေလွင့်၊ ရင်အနင့်ဆုံးဆောင်း
နှင်းတွေပြောင်းပြန်စီးမျောလာ … ။

မေမေဟာ … ‎
ကျွန်တော်ပြန်လာမယ့်သန်းခေါင်ယံကို ခြံရံစောင့်ကြပ်
အလင်းရဲ့နတ်သမီးလို … မီးအိမ်ကိုင်ပြီးစောင့်နေတယ် … ။

နာကြည်းပင့်သက်၊ အရက်သောက်လာတဲ့သား
အမေ့အားစကားမဆို
အမေကား … သားကိုယ်စား မျက်ရည်မဲ့စွာငို … ။

သား … ‎
ဘဝဆိုတာရေစီးထဲကဗေဒါ … မရေရာဘူးကွဲ့
ဒါပေမယ့် … ‎

မျှော်လင့်ချက်ရဲ့ အရုပ်များ၊ အရောင်များ၊ အရိပ်များ
လွှင့်မပစ်နဲ့သိမ်းထား …‎
ဝိညာဉ်ရုန်းကန် တစ်နေ့မှာသူတို့ပြန်ရှင်သန်လိမ့်မယ် … ။

မေမေ့စကားက
ကျွန်တော့်ရဲ့မိုးခါးရေများကို
တစ်စက်ချင်း … တစ်စက်ချင်း … တစ်စက်ချင်း … ချိုစေခဲ့ … ။

‎(၉)‎
ဝါဆိုပန်းခူး၊ စံပယ်ဦးတို့မွှေးသက်ဝေဝေ
မုတ်သုန်လေရဲ့မှတ်တမ်း
မီးကိုလည်းကျွန်တော်နမ်းခဲ့ … ရေကိုလည်းကျွန်တော်နမ်းခဲ့ …။

မေမေဟာ …‎
ခြံထောင့်မှာဒေလီယာတွေပျိုးရင်း
မိုးစိုနေတဲ့ဆံနွယ်ခက်ကိုလက်နဲ့သပ်တင်
သူမလည်းရင့်ကျက်ကြည်လင်နေတယ် …။

မေမေချုပ်တဲ့
ဇာမဏီရုပ်နဲ့အကျီ င်္ချည်မျှင်ကြမ်းကြမ်း
ကျွန်တော် … .လမ်းမှာဝတ်ရန် … ။

နွားကသူငုံ့စားတဲ့မြက်တွေကို
ဝံပုလွေတစ်ကောင်ရဲ့အော်သံကြားတယ်လို့ပြောဆိုနေဆဲ
သွားကြစို့လေ … ‎

မုဆိုးခြေထောက်များနဲ့ကျွန်တော် သွားရာကျွန်တော်လိုက်
လေဆန်တွေပစ်စလက်ခတ်တိုက်တဲ့ခင်တန်း
ပဒိုင်းပန်းတွေလည်းဗောင်းလန်အောင်ခါရမ်းပွင့်ဝေ … ။

‎(၁၀)‎
သား … ‎
‎“၁။ တိမ်တွေပျံတာမိုးပေါ်မှာဘာနဲ့မှမငြိဘူး
၂။ တစ်တောလုံးကိုလည်းကြည့်တစ်ပင်ချင်းလည်းကြည့် ” တဲ့

မေမေ့ဆုတောင်းဘုရားကျောင်းမှဝတ် ပြုသံ
လောကဓံအသစ်သစ်တွေနဲ့မြင့်ရိုင်း
မိုးကုတ်စက်ဝိုင်းတစ်ခြမ်းကိုထိုးဖောက်
ကျွန်တော်ဆက်လျှောက်နေတယ် … (ဖိနပ်လည်းအခါခါပေါက်ခဲ့)‎

ညပေါင်း ၁၄၀၀
ဝင်္ကပါတောင်ကြားမှာ … ကံနတ်ဘုရားနဲ့စီးချင်းထိုး
ကျွန်တော်ကြိုးစား၊ အမှားများလည်းချင်းချင်းနီ … ။

ဧရာဝတီမေမေ၊ ပိတောက်ပင်ဟာမေမေ
ဖယောင်းတိုင်ဖြူဖြူဟာမေမေ၊ နံနက်ခင်းကြေးရုပ်ဟာမေမေ … ။

ခု … မေမေဆုံးပြီဆိုတဲ့သတင်းမှာ
ကျွန်တော်ဟာအရာရာဝင်းရှင်းပေါက်ကွဲ … နီလဲ့..‎
လူတဆုံး … ဝိညာဉ်တဆုံး၊ အကြွင်းမဲ့ဗုန်းဗုန်းလဲကျ
‎“မေမေ ..”‎

‎(၁၁)‎
မေမေဟာ … နာရီသံနဲ့အိပ်၊ နာရီသံနဲ့နိုး …‎
ဘယ်တော့မှထမင်းအိုးဝေမကျတတ်တဲ့မိန်းမမျိုးဖြစ်တယ် …။

မီးလောင်နေတဲ့ငရဲပင်ပျိုမှာ၊ ပွင့်အိုလေးပမာ၊ ဝါဝါနွဲ့နွဲ့
သတ္တိသစ်တွေနဲ့ဝေရဲခဲ့တယ် …။

သားငယ်ရဲ့မျက်နှာကို
အလင်္ကာလိုလည်းဖတ်၊ ပုစ္ဆာလိုလည်းဖတ်
ဆိုလိုရင်းကိုချက်ချင်းရှာဖွေတွေ့တတ်တယ် … ။

လင်မရှိတော့ပေမယ့်
သားငယ်အတွက်ရင်ခွင်တစ်ခုရှိတဲ့မိန်းမ
လူကန္တာရတို့ရဲ့ကျောက်တိုင်၊မြေခိုးမြေငွေ့ကိုပိုင်တယ် … ။
‎(အလင်းပြာမှတ်ကျောက်အတွက် မင်တစ်ပေါက်ဖြစ်တယ် …)‎

‎(၁၂)‎
အမေမရှိတဲ့သားမှာသာ
စေတန်ရဲ့လွှသွားကိုခါးသီးကွဲရှ
အရိုးမြုပ်အောင်ကိုက်မြိုခဲ့ရပြီ … ။

မျက်နှာကိုလက်ဝါးနဲ့အုပ်ရုံကလွဲ လို့
ဘာမှလည်းလုပ်မပေးနိုင်တဲ့နေရာ … အဝေးမှာ … ‎
ကျွန်တော်က … ဟိုး … အဝေးကြီးမှာ … ။

ကျန်တာတွေကတော့ဘာမှမပြောင်းလဲပါ ဘူး
မီးခိုးငွေ့တွေကလည်း
ရိုးရာအခြေအနေအတိုင်း၊လှိုင်းထကော့လန်
ဒရွတ်တိုက်ပျံတက်ဆဲ … ။

အမေ့ရဲ့ခြေလို၊ လက်လိုနေခဲ့တဲ့ကောင်
အမေမရှိချိန်မို့လမ်းပေါ်မှာပြန့်လို့ကျဲလို့ … ။

အမှားလက္ခဏာ၊ အမှန်လက္ခဏာ၊ ဘာနဲ့မှလာမတိုင်းတာနဲ့
‎“အမေ”ဆိုတာထာဝရအကန့်အသတ်မဲ့တယ်
ချစ်သောမေမေ … ကောင်းရာဘုံသို့ရောက်ပါစေ … ။
‎(ကောင်းရာဘုံတို့၏တံခါးသည်မိခင်များအတွက်ပွင့်စေသတည်း …)‎

‎(၁၃)‎
နောင် … နှစ်ပေါင်းများစွာကြာရင်
မေမေ့အုတ်ဂူကို၊ ဝတ်ရုံဖြူနဲ့လူတစ်ယောက်လာမယ်
အနက်ရောင်ကတ်ပြားမပါ၊ လွမ်းသူ့ပန်းခွေမပါ
လေထန်လမ်းမှာဆံမျှင်တွေလွင့်ဝဲ …‎
အဲဒီလူဟာ … သားပဲပေါ့မေမေ … ‎
ဘယ်သံသရာမှာပြန်ရှာရင် မေမေ့ကိုတွေ့နိုင်မလဲ … ‎
ကျွန်တော့်ရှေ့မှောက် လရောင်တွေကွေ့ကောက်လွန်းလှချည့် … ။

အမေ့ကိုယ်စား … ‎
အမေ့ကိုယ်ပွား … ‎
ကြယ်စင်များကိုလက်ဖဝါးနဲ့ပန်၊ မြင်းခွာသံမှာအပ်နှံလိမ့်ဆင်း
အ၀ါရောင်မီးရှူးမီးပန်းလို
‎“လင်း”ပြီးမှပျောက်မယ် … ။

ကျွန်တော် … ‎
မေမေ … .‎
မာယာတောင်ခြေမှ ဒရမ်တီးသူများ၊ မျက်လှည့်တီးလုံးများ
သီချင်းအကွဲအစ … တစ်ပုဒ်ပြီးဆုံးသွားပါပြီ … ။

မေမေ … ‎
ကောင်းရာသုဂတိလားပါစေ … ‎
ခေါင်းလောင်းထိုးသံတိုးတိတ်လွင့်ဝေ … … ..‎
ခေါင်းလောင်းထိုးသံတိုးတိတ်လွင့်ဝေ … … ..‎
ခေါင်းလောင်းထိုးသံတိုးတိတ်လွင့်ဝေ … … ..‎

‎
တာရာမင်းဝေ

ဗျတ်စောင်း ဘာသာဗေဒ-

လခြမ်းအ၀ါကို မြင်လို့
ကောင်းကင်ကို မမြင်လိုက်ဘူး။
တစ်ယောက်နဲ့တစ်ယောက်
ရွာရိုးကိုးပေါက် ဝေးခဲ့မိတယ်။

ကောင်မလေးရေ
ငါ့ရဲ့
အမေတစ်ဝက်၊ ဆောင်းရာသီတစ်ဝက် ကောင်မလေးရေ
ငါ့ကို ကယ်ပါ။

ငါ့ကို ကယ်တင်တယ်လို့ သဘောမထားဘဲ
ငါ့ကိုပဲ ကယ်ပါ
မင်းရဲ့ အဖြူ တစ်ဝက်ရဲ့ အဖြူတစ်ဝက်လောက်
ငါ့ကို ဆွတ်ပေးပါ။

ရင်ဘတ်က ကြယ်ငွေ့တွေ ဖြာကျလာတဲ့အထိ
ငါ ပွင့်ပစ်လိုက်ချင်လို့ပါ။

တာရာမင်းဝေ

“မိုးခေါင်လို့တီးတဲ့ဗုံသံ”

ဆောင်းခေတ်က ပေးခဲ့တဲ့
မောင်းကွဲသံ ခပ်လေးလေး တစ်ချက်ပါပဲ။
တစ်ယောက်တည်းနေရတဲ့ ငါ့ကို
ဘယ်သူနဲ့မှ မနေရအောင်
ယိုင်ယိုင်ရွဲ့ရွဲ့ လှီးခွဲသွား...။

နံပါတ်စဉ် မတပ်ရသေးတဲ့
သဲကန္တာရ တစ်ရွက်ပေါ်မှာ ပြိုလဲကျတယ်။

အဲဒီညနေပေါ့
ကောင်းကင်ကို ဆွဲချွတ်ပြီး
မြေကြီးကိုပဲ ငါပြန်ဝတ်ခဲ့ရ။

ပြီးဆုံးသွားတာ သေချာပါတယ်
နှင်းခိုးတွေ..
ပြီးတော့ ဒိုင်ယာရီချို ခါးတစ်ခွက်
ပြီးဆုံးသွားတာက သေချာပါတယ်။

မိုးတွေကို တိုးတိုးကလေး ရွာရဦးမှာပေါ့လေ
ပန်းရနံ့တွေကလည်း ခပ်မြင့်မြင့်ကနေ ပျံသန်း
ငါနဲ့ ငါ့ဖိနပ်ကလေး
သီချင်းမဆိုတော့ဘဲ ဟိုးအဝေးကို ငေးခဲ့ရတယ်။

တာရာမင်းဝေ

ဘာလဲကွယ်

ဘာအကြောင်းမှ မရှိဘဲ
မင်းကို ချစ်မိသွားတယ်..

ဘာအကြောင်းမှ မရှိဘဲ
မင်းကို လွမ်းတယ်...

ဘာအကြောင်းမှ မရှိဘဲ
မင်းဒီကဗျာကို ရေးမိတယ်..

တစ်ကယ်တော့လည်း
ဘာကြောင်းမှမရှိပါဘူး သူငယ်ချင်း..

တာရာမင်းဝေ

.တေလေမှတ်တိုင်
တေလေမှတ်တိုင်

ကြယ်တွေ ကြယ်တွေ
သမ်းဝေမှု ချောင်းချောင်းထ
ဟောင်းလောင်းပွင့်နေတဲ့..ည။

ဝိညာဉ်နှင်းမှုန်တစ်စက်
အိပ်မက် မြင်းခွာ အမှတ်(၁၃)
တစ်ယောက်တည်း အတုံးအရုံးလဲသူ
ငါ့ ကံကြမ္မာနဲ့..လူ

ဂမ္ဘီရ သစ်ပင်မှာမှ
စွယ်တော်ပွင့်အို ရှာချင်တဲ့လက်
ကားစင်တင်ပြီး မီးရှို့သတ်မယ်။

လပြည့်ဝန်းရေ
ပန်းကန္တာရမှာ
အမုန်းတွေ လဲ့ပြာကွဲအက်
ငါဟာ
ကိုယ့်ကိုကိုယ် ပြန်တူးနေတဲ့
ပေါက်ချွန်းတစ်လက်ကွဲ့ သိရဲ့လား။

ခြင်္သေ့နဲ့ ဘယ်လိုတိုက်တိုက်
ဘီလူးနဲ့ ဘယ်လိုကိုက်ကိုက်
ချစ်မိသူလောက်တော့
ဘယ်သူမှ လူမိုက် မမည်။

ကဝေမီးတောက်
ဆောင်းဦးပေါက် အရက်တစ်အိုး
မြူခိုးဝေေ၀ကျောက်ခဲများ
ငါ့ကိုထားခဲ့ပါ။

တေလေမှတ်တိုင်
မျှော်စင်တွေထက် ပိုခိုင်လာရဲ့
ခြေထောက်ကတစ်ခြား လမ်းတစ်ခြား
ငါဘယ်တော့မှ မသွားဘူး မိန်းကလေးရေ။

တာရာမင်းဝေ

အတိတ်

ဝတ်မှုန်ဆိုတာ
ပန်းရုံအိအိထဲက အက်တမ်တစ်ပွင့်ပါ။

ကြာတော့ကြာခဲ့ပါပြီ။

သူအနုမြူဗုံးလို ကွဲလွင့်တဲ့နေ့က
ကျွန်တော်…
မိုးစက်တွေထဲ သက်ငြိမ်တိတ်ဆိတ်ခဲ့ဖူးပါရဲ့။

တာရာမင်းဝေ

ကျွန်တော်နဲ့တိမ်ညိုနိမိတ်

ကျွန်တော်နဲ့တိမ်ညိုနိမိတ်
ဒီလမ်းမှာဘယ်သူ့ကိုမှ ခေါ်မသွားဘူးဆိုရင်တောင်
ကျွန်တော်နဲ့ဖိနပ်ကလေးကိုတော့ ခေါ်သွားရမှာပဲ။
ကျောက်စရစ်ခဲလေးက ပြောတယ်ဖေဖေ...
မြေပြင်က ဘာမှမပြောင်းလဲပါဘူး
ခြေထောက်တွေကသာ ပြောင်းလဲနေကြတာတဲ့။ ။

တာရာမင်းဝေ

နတ်ပူးနေတဲ့ကောင်

လွင့်လိုက်ရတာ
မုတ်သုန်ဘယ်နှစ်မြို့တိုင်ခဲ့ပြီလဲ၊
တယ်လီဖုန်းခေါ်သံတွေကြားတာတောင်
ပြန်မထူးဖြစ်ခဲ့တဲ့ကောင်ပါ။

မေမေရေ…
မိုးတိမ်ကြီးထဲမှာ
ခြေပစ်လက်ပစ် သား ၀င်အိပ်လိုက်ချင်ရဲ့။
ကောင်းကင်ကို ပြန်တည့်ရတာ
.…မောတယ်။

တာရာမင်းဝေ

`ဒိုင်ယာရီရဲ့ နောက်ဆုံးစာမျက်နှာ´

နှင်းစက်လက်တွဲခိုနေတဲ့
စံပယ်အိုလေးရေ . . .
ဒီ လကွယ်ညမှာပဲ
ဆုပ်ကိုင်ထားတဲ့ လက်ချောင်းတွေကို
ဖြည်ချလိုက်ပါတော့။

တချို့လူတွေက
ဘ၀မှာ ကြယ်တွေကြွေကျခဲ့သတဲ့
ငြိမ်သက်စွာ ခရီးနှင်ကြဦးပေါ့ကွယ်
ကိုယ့်မှာက . . .
နေတွေ လတွေတောင် ကြွေကျခဲ့ဖူးပါတယ်။

``သွားတော့မယ်နော် . . .
ကံကြုံရင် ပြန်ဆုံကြဦးမှာပေါ့´´လို့
ကံမကောင်းသူတို့ရဲ့
မှိုင်းညို့သောလမ်းခွဲ
ကျော်စရစ်ခဲတွေ အပြိုင်းအရိုင်းလွင့်ကြဲနေတယ်။

(ဘာဖြစ်ဖြစ် ကိုယ့်အပြစ်ပါပဲ)
လေရိုင်းတွေ ၀ိုင်းဝန်းကိုက်ခဲကြတဲ့
မီးလျှံစတစ်ခုလို ပြာညိုယိမ်းထိုး
ပြက္ခဒိန်မှာတော့
နက်ဖန်ခါဟာ နာမည်ဆိုးမရှိပါဘူး။

ဒါပေမယ့် . . .
လွမ်းဆွတ်နေသူတစ်ယောက်ရဲ့
ကြောက်မက်ဖွယ်ရာ အိပ်မက်များ
နှင်းဆီချွေရထားမှာ
စူးစူးဝါးဝါး ဥသြဆွဲပစ်လိုက်တယ်။

ဒီည . . .
နောက်ည . . .
ဘယ်လိုမှ နိဂုံးချုပ်မရပါဘူး
ဘီလူးဖမ်းသလို ကြမ်းတဲ့လင်္ကာ
ငှက်ဆိုးတွေအိပ်မှ
တိတ်တဆိတ် ကိုယ်ရေးလိုက်ပါတယ်။

``ပျော်ခွင့်မပိုင်သော
ဒိုင်ယာရီ၏ နောက်ဆုံးစာမျက်နှာထက်၌´´
နတ်သူရူးတွေ ကြဲပက်တဲ့
ကောင်းကင်ဘုံက အက်ဆစ်တစ်စက်လို
ရှအက်ကြေကွဲ ရှ - -အက် - -ကြေ - -ကွဲ . . .
မင်နီတွေနဲ့ `ရဲ´လို့ပေါ့ကွယ်။ ။

တာရာမင်းဝေ

"ဓာတ်ပုံလေး"

မိုးလုံလေလုံ
နှလုံးအိမ်ထဲက ဓာတ်ပုံလေး
ထုတ်.. ထုတ်ကြည့်ဖြစ်တယ် သတိရတိုင်း
သတိရတိုင်း ရွှဲနစ်
ပါးပြင်ပေါ် မျက်ရည်တွေ
ငါက ဓာတ်ပုံလေးကို တွေရီငေး
ဓာတ်ပုံလေးက ငါ့ကို တွေရီငေး
လွမ်းတယ်.. ။

ရှင်ကွဲ --

ငါတို့ရှေ့မှာ
ရထားဟာ ခါတိုင်းထက် ပိုမိုရှည်လျား
ဥသြဆွဲသံများကလည်း
ဖွာရာရ ထစ်ချုန်း ပြတ်တောက်ကျနေခဲ့

နှုတ်မဆက် မိရင်လည်း အကောင်းသား
နှုတ်ဆက်လိုက်ကြတော့
ဘူတာဟာ
အ၀ါရောင်ဖျော့ဖျော့နဲ့ ဂူသင်္ချိုင်း ဆန်လာ

ကံကြမ္မာက
မျဉ်းတစ်ကြောင်းတည်းပေါ်မှာ
ခွာလေးဘက် မရပ်နိုင်ခဲ့ဘူး

ဘယ်သူ့ကိုမှ မပြောနဲ့
ဘယ်သူ့စကားကိုမှ နားမထောင်ဘူး
မြေလို ပင်လယ်လို အက္ခရာ တစ်လုံးနဲ့
ငါတို့ ဆက် ချစ် နေကြဦးမယ်

မမေ့ဘူးကွယ်
ဘယ်တော့မှ မမေ့ပါဘူး
ရက်စက်သွယ်ပြောင်းတဲ့
မီးခိုးလက်ချောင်းတွေက
ငါတို့ကို အပွင့်ခူးချိန်

ရထားဟာ
လောကလူရိုင်းရဲ့ မှုတ်ပြောင်းဝကနေ
အဆိပ်တွေနဲ့
တုန်ယင်စွာ လူးလွန့် ထွက်ခွာခဲ့ရပေါ့။

ဥယျာဉ်-တာရာမင်းဝေ

နဂါးတွေကသာ
တကယ်တမ်း ကပြမယ်ဆိုရင်တော့
ကိုယ်ကြည့်ချင်စိတ်ရှိပါတယ်။

ဒါပေမယ့်
မျက်နှာအရေပြား တွန့်တွန့်ကြီးနဲ့ လူတွေက
နဂါးနှဲမှုတ်ပြီး လူးလွန့်ပြရင်တော့
သူတို့အစား..
ကိုယ်က ပင်ပန်းပျင်းရိနေတတ်တယ်။

အဲဒီလိုပါပဲ ကောင်မလေးရယ်
မိုးတွေက တိတ်တာတောင် ကိုယ်ကရွာတုန်း။

သစ်ရွက်ကို ကိုယ်ပြန်စိုက်ဖို့ ကြိုးစားဆဲမှာ
သစ်ပင်က ကြွေကျလာခဲ့။
ကိုယ်လို ပေကပ်ကပ်ကောင်ကတော့
ကျောက်တုံး တွေကိုလည်း ငုံ့ကြည့်ခင်မင်နေခဲ့။

ကောင်မလေးရေ..
တကယ္ဆို ကိုယ္ဟာ ဥယ်ာဥ္တစ္ခုပါပဲ
မြေပြင်မှာ ဘာမှ မပွင့်သေးတာက လွဲရင်ပေါ့။

မနော်ဟရီ

အတိတ်
အတိတ်

ဆောင်းစက်လက်ခိုနေတဲ့နန်းတော်
မကျော်ကြားခဲ့တဲ့သူရဲကောင်းများ
ချောက်ကမ်းပါးခြားနေတဲ့ ညနေရီတွေ
ခုတော့... ကြေကွဲမှုတွေက... ပိုးစိုးပက်စက်။
မိုးဦးပေါက်ရင်...
ကျိန်စာဖတ်မုန်တိုင်းတချို့ ရောက်လာလိမ့်မယ်...
လွယ်လွယ်နဲ့ ကြွေတတ်တဲ့ စံပယ်တွေထဲမှာ သူ မပါဘူးတဲ့
အရုဏ်ဦးကို ဖွဲ့ဆိုရင်း ညဉ့်နက်ခဲ့ရတဲ့အကြောင်း
ထောင်းထောင်းထအောင်ပြောလို့... ။
သွားစို့
နှစ်ချို့ရာဇ၀င်တွေကို မတူးဖော်မိစေနဲ့
စတုတ္ထမြောက်နေ့ရက်တွေကို မုန်းတယ်
သောကြာရထားစီးလာတဲ့ (၁၃) နာရီ
မိန်ရာသီရဲ့နောက်ဆုံးနေ့တစ်နေ့
ခရီးစဉ်မေ့နေတဲ့လက်မှတ်နှစ်စောင်
တောင်စဉ်တွေအထပ်ထပ်ခြားသွားခဲ့ကြပြီ။
ခြေလှမ်း(၉၀)အလွန် ရက်စွဲများ
နှင်းစက်ပိုးမျှင်တွေကြားက၊ ကချေသည်
ကျွန်မ ရှိုက်ရယ်နေမိလေသလားမသိ ။

မနော်ဟရီ

စတိုင်သစ် ၊ ဂျူလိုင်၊ ၂၀၀၂။

နေကွယ်ရထား
အမှတ်မထင်ပါဘဲ ကံ့ကော်ဝတ်ဆံတွေက ၀ါခဲ့ကြတယ်
နေကွယ်တိုင်း ညှိုးရော်ပေးရတဲ့အထဲမှာ ငါ့လိပ်ပြာတွေ မပါဘူး။
ထူးခတ်ခံထားရတဲ့ ငါ့ရင်ဘတ်တစ်ခြမ်းကို
ငုံ့ကြည့်သံဝေဂရ နောင်တဆိုတာတော့ မရှိခဲ့ဘူး။
ဆိတ်ဖလူးပွင့်တွေကြွေတဲ့နံနက်ခင်းမှာ
မပွင့်ဖြစ်ခဲ့တဲ့ ရနံ့တွေကိုပြန်ကောက်
ကိုယ့်စိတ်ထဲမှာပဲ ကိုယ်ပြန်လမ်းလျှောက်ခဲ့တယ်။
ငါ့လက်နဲ့ မဆောက်ခဲ့တဲ့တောင်တန်းကို
ငါ... မဖြန်သန်းချင်တာ ဆန်းသလား ။

(ခွဲခွာခဲ့ရတဲ့နေ့ကစလို့)
ချစ်သောတစပြင်လေးမှာ ကဗျည်းပြာရီတွေလွင့်ဝေ ။
ဘာတတ်နိုင်ဦးမှာလဲ
ဟိုးမှာ... အမှောင်ဖြူဖြူတွေက မြူးလွင့်နေတယ်။
နောက်ဆုံးတော့...
ရထားက ဘူတာရုံကိုထားပြီး ထွက်ခွာသွားရရဲ့
ဥသြသံရယ်၊ ဖိနပ်ကလေးတစ်ဖက်ရယ်... စကားပွင့်လေးတွေရယ်
မိုးရွာပြီးကျန်ခဲ့တယ်... ။

မနော်ဟရီ

ကလျာ၊ ဒီဇင်ဘာ၊ ၂၀၀၂။

တစ္ဆေလွမ်းတဲ့အိမ်
အတောင်စုံပြီလား
အမြဲစိမ်းဂီတတွေနဲ့ ငါ့ရဲ့လွင်ပြင်ဝါကလေးရေ...
အလွမ်းတွေနဲ့မာကျောမတ်စောက်နေတဲ့ကမ်းပါးပေါ်မှာ
တပ်မက်သူမဲ့အက္ခရာများ လွန်းထိုးပျံသန်း
ခြေထောက်ရဲ့ဇက်ဝကိးကို နိုင်နင်းပါလျက်နဲ့
လမ်းမှားခဲ့ကြရတယ်။
သန့်သက်အောင်ခါချခဲ့တဲ့မျက်ရည်စက်တွေ
ခရီးသွားတောင်တန်းပြာတွေနဲ့ရောယှက်
အဆိပ်ခွက်တစ်ခွက်ကတော့ ဖိတ်စင်သွားခဲ့ရပြီ
ညီခွင့်မရခဲ့ကြပါဘူး
ဆူးရစ်သဖူတစ်ခု၊ ကားတိုင်တစ်ခု၊ ပုန်းရည်တစ်ခွက်နဲ့
ထွက်ပေါက်မဲ့ဝါကျတွေကသာ
ဆွေးမြေ့ရင့်အိုလို့ ။
နေသားကျခွင့်တွေကတော့ အလိုမတူဘဲ တဖွေးဖွေးရွာကျလာခဲ့ပြီ
အမိုးအကာမဲ့ ခိုက်ခိုက်တုန်အားတင်းရင်း
နံနက်ခင်းပြတင်းပေါက်တွေကို တစ်ပေါက်ပြီးတစ်ပေါက်
အရူးတစ်ယောက်လို လိုက်ဖွင့်နေခဲ့မိတယ်
ဘယ်လိုမှဆောက်တည်လို့မရတဲ့အတူတူတော့
မြက်ခင်းလေးတွေစိမ်းနေပါစေလေ
တစ်ခုပဲ မှတ်ထားပေးပါ
တစ္ဆေတွေလည်း လွမ်းတတ်ကြပါသေးတယ်။ ။

မနော်ဟရီ

Tags: ကဗျာ

Prev: “မိုးခေါင်လို့တီးတဲ့ဗုံသံ”တာရာမင်းဝေ
Next: ဂုဏ်ပြုစာတမ်းဟာသလေးတွေပါ

reply edit delete

16 CommentsChronological Reverse Threaded

Add a Comment

delete reply

khinmoung wrote on Oct 30

မမ မမ ကျေးဇူးပါနော်

edit delete reply

yinminkhine wrote on Oct 8, '11

myungak said

တာရာမင်းဝေရဲ့ကဗျာတွေကို အထပ်ထပ်အခါခါဖတ်မှတ်သွားခဲ့ပါကြောင်း ။
ခေါင်းလောင်းသံ စာတမ်းကိုဖတ်ရင်း မျက်ရည်ကျခဲ့မိပါကြောင်း ။

အနတ္တ မေတ္တာရှင်မေမေ ............:((

delete reply

myungak wrote on Oct 7, '11

delete reply

kyawminoofriends wrote on Sep 13, '11

လည်လည်လာတယ်နော်

delete reply

thawtar99 wrote on Nov 17, '10

အကိုကြည်နိုင်ဆိုက်မှာလည်း ဖတ်ဖူးပါတယ်။ မ..မ တင်ထားပေးတာတွေက မဖတ်ဖူးတဲ့ အသစ်တွေပါတယ်။ ကျေးဇူး တပုံတခေါင်းကြီးတင်ပါတယ်ဗျို့။

delete reply

mahaythi2010 wrote on Sep 27, '10

မမရေ ကဗျာကောင်းလေးတွေ မျှဝေပေးတာ ကျေးဇူးပါနော် .... အားပေးသွားပါတယ်ရှင် .....

delete reply

naunghtunlwin wrote on Sep 26, '10

ကျေးဇူးဗျာ

delete reply

yeithway wrote on Sep 26, '10

အိုး..... ကျေး ဇူး သိတ် တင် ချင် စရာ ကောင်း တဲ. လုက် ရက်လေး ပါ ပဲ... အထူး ကျေး ဇူးတင် ကြောင်...။

edit delete reply

yinminkhine wrote on Sep 26, '10

mizzuri09clysna said

ယဉ်မင်းရေ ....
ဘယ်လိုပြောရမှန်းမသိအောင်ကို ၀မ်းသာရပါတယ်
ကျနော့်ဆီမှာလဲ တာရာမင်းဝေကဗျာများဆိုပြီးသပ်သပ်တင်ထားတာရှိတယ်
ဒါပေမယ့် ဒီလောက်မစုံဘူးဗျ

ယူသွားပြီဗျာနော် ...အရမ်းကျေးဇူးတင်ပါတယ်

ချမ်းမြေ့ပါစေ
ကိုကြည်နိုင်(ကျုံတိုင်းရွာ)

ယူပါဆရာ ရပါတယ်

ဆရာကြိုက်တယ်ဆိုလို့်ပါ

လက်ဆောင်ပေါ့နော့်

delete reply

mizzuri09clysna wrote on Sep 26, '10

edit delete reply

yinminkhine wrote on Sep 26, '10

laynyinglay said

မ ကဗျာလေးတွေဖတ်ပြီးအားပေးသွားပါတယ်

ပျော်ရွှင်ပါစေ ကျမ်းမာပါစေ..နော်

edit delete reply

yinminkhine wrote on Sep 26, '10

belovedcrane said

ဒိုင်ယာ၇ီရဲ့ နောက်ဆုံးစာမျက်နှာလေး ကဗျာလေးကိ
အတော်ကောင်းတယ်နော် ဖော်ပြပေးတာ ကျေးဇူးသူငယ်ချင်းလေး
သူငယ်ချင်းလေး ပျော်ရွင်ပါစေ

ခံစားချက်တိုက်ဆိုင်ပါတယ်.....သူငယ်ချင်း တူတူပါပဲနော်..စိတ်ထဲမှာ မကောင်းပါဘူး

`ဒိုင်ယာရီရဲ့ နောက်ဆုံးစာမျက်နှာ´

နှင်းစက်လက်တွဲခိုနေတဲ့
စံပယ်အိုလေးရေ . . .
ဒီ လကွယ်ညမှာပဲ
ဆုပ်ကိုင်ထားတဲ့ လက်ချောင်းတွေကို
ဖြည်ချလိုက်ပါတော့။

တချို့လူတွေက
ဘ၀မှာ ကြယ်တွေကြွေကျခဲ့သတဲ့
ငြိမ်သက်စွာ ခရီးနှင်ကြဦးပေါ့ကွယ်
ကိုယ့်မှာက . . .
နေတွေ လတွေတောင် ကြွေကျခဲ့ဖူးပါတယ်။

``သွားတော့မယ်နော် . . .
ကံကြုံရင် ပြန်ဆုံကြဦးမှာပေါ့´´လို့
ကံမကောင်းသူတို့ရဲ့
မှိုင်းညို့သောလမ်းခွဲ
ကျော်စရစ်ခဲတွေ အပြိုင်းအရိုင်းလွင့်ကြဲနေတယ်။

(ဘာဖြစ်ဖြစ် ကိုယ့်အပြစ်ပါပဲ)
လေရိုင်းတွေ ၀ိုင်းဝန်းကိုက်ခဲကြတဲ့
မီးလျှံစတစ်ခုလို ပြာညိုယိမ်းထိုး
ပြက္ခဒိန်မှာတော့
နက်ဖန်ခါဟာ နာမည်ဆိုးမရှိပါဘူး။

ဒါပေမယ့် . . .
လွမ်းဆွတ်နေသူတစ်ယောက်ရဲ့
ကြောက်မက်ဖွယ်ရာ အိပ်မက်များ
နှင်းဆီချွေရထားမှာ
စူးစူးဝါးဝါး ဥသြဆွဲပစ်လိုက်တယ်။

ဒီည . . .
နောက်ည . . .
ဘယ်လိုမှ နိဂုံးချုပ်မရပါဘူး
ဘီလူးဖမ်းသလို ကြမ်းတဲ့လင်္ကာ
ငှက်ဆိုးတွေအိပ်မှ
တိတ်တဆိတ် ကိုယ်ရေးလိုက်ပါတယ်။

``ပျော်ခွင့်မပိုင်သော
ဒိုင်ယာရီ၏ နောက်ဆုံးစာမျက်နှာထက်၌´´
နတ်သူရူးတွေ ကြဲပက်တဲ့
ကောင်းကင်ဘုံက အက်ဆစ်တစ်စက်လို
ရှအက်ကြေကွဲ ရှ - -အက် - -ကြေ - -ကွဲ . . .
မင်နီတွေနဲ့ `ရဲ´လို့ပေါ့ကွယ်။ ။

တာရာမင်းဝေ