မင်းသုဝဏ်..........(၁၉၀၉ -.....) ကဗျာများ

နှင်းဆီပွင့်

လယ်တောကအပြန်
ပန်ချင်တယ် ခရေဖူးဆိုလို့ 
မောင်ခူးကာပေး။

မနက်ကုန်းဆီက
ကြော့ဆုံးကို မောင်မြင်တော့
သူ့ ဆံပင် နှင်းဆီပွင့်တွေနဲ့ 
ဂုဏ်တင့်တယ်လေး။
..........................၁၉၃၂ ကရေးဖွဲခဲတာပါ
...........................................................


ငယ်လင်မောင်ကြီး

နေမင်းလည်းဝင်၊ မိုးလည်းဆင်၍
မှက်ခြင်လည်းရဲ၊ မှောင်လည်းမဲပေါ့
မယ့်သဲထိတ်ဖွယ်၊ မယ့်သက်လှယ်သည်
ဘယ်လယ် ဘယ်ကွင်း၊ဘယ်ကန်သင်းတွင်
ပျိုးခင်းထောင်၍ နေပါလိမ့်။

လေပြင်းလည်းနှင်၊ လျှပ်လည်း ရျင်၍
ကောင်းကင်လည်းဟည်း၊ မိုးလည်းသည်းပေါ့
မောင့်ချည်းတကိုယ်၊ မဲညိုညိုတွင်
စိုစိုအေးအေး၊ ဆိတ်မနွေးသည်
အောက်မေးခိုက်ခိုက် နေရှာလိမ့်။

ဖြေယင်းသည်းတွင်၊ မီးလျှံဝင်ပေါ့
ငယ်လင်မောင်ကြီး၊ ပြန်ခရီးတွင်
ရေစီးသန်သန်၊ ချောင်းကိုလွန်က
ဆိပ်ထန်ပြင်းဘိ၊ လယ်ပိုးထိ၍
သတိကင်းကွာ၊ ဆောင်ယူလှာသည်
ကယ်ပါရှင်ကြီး သေရှာလိမ့်။
................................... ၁၉၃၄ ကရေးဖွဲ့ ခဲ့တာပါ။
.....................................................................

အင်းယားကန်သို့  အိုကုတို့ 

မိုးပေါက်ကျ၍
ထသည့်ဂယက်၊ ၀ိုင်းစက်စက်သည်
ဝကွက်ခင်းနှီး နှယ်တကား။

ခဏချင်းတွင်၊ မိုးသက်ဆင်က
ရေပြင်လှိုင်းကြွ၊ ခုန်ပေါက်ကြလျှက်
ကြက်ဖချင်းထိုး၊ ခေါင်းဖြူမိုး၍
ရေရိုးရှုပ်ပွေ၊ မိုးသီးကြွေသည်
စွေစွေစောင်းစောင်း ရွာသွန်းလောင်း။

ဗယ်ယိမ်း ညာယိမ်း၊ တောခပ်သိမ်းလည်း
နတ်စိမ်းဝင်သို့ ၊ ကမ်းယံမိုးတွင်
မှိုင်းညို့ မိုးသား နောက်ခံကား။

မိုးဖျင်ဇာပါး၊ ၀တ်ရုံလွှားလျှက်
မော်ကြွားသည့်ဟန်၊ ဤသည့်ကန်တွင်
မြင်ပြန်ဝိုးဝါး၊ ကျွန်းညိုကြား၌
လူးလားချင်လို၊ ငါတောင်းဆိုသည်
လှေကိုပြင်ပ ကုတို့ မှူး။
..............................၁၉၄၀ ကရေးဖွဲ့ ခဲ့တာပါ။
..............................................................
ပျဉ်းမငုတ်တို

ဖုထစ်ရွတ်တွ၊ ငှက်လင်းတသို့ 
ပျဉ်းမငုတ်တို၊ သက်ကျားအိုသည်
ကုန်းမိုထက်တွင် တပင်တည်း။

ခွဆုံအကွေး၊ သစ်ခေါင်းဆွေးလည်း
အဖေးတက်လာ၊အိုင်းအမာသို့ 
ကျယ်စွာဟက်ပက် ခြအိမ်ပျက်။

ကုန်းမိုကမ်းပါး၊မြေပပ်ကြားတွင်
စစ်သားခမောက်၊ ပိန်ခြောက်ခြောက်လည်း
စစ်ရောက်စခန်း လမ်းပြညွှန်း။

ထိုပင်ငုတ်တို၊ ပျဉ်းမအိုသည်
စစ်ကိုလည်းကြုံ၊ ခြအုံလည်းဖြစ်
ဓားထစ်လည်းခံ၊ နေလျှံလည်းတိုက်
လေပြင်းခိုက်လျှက်၊ မငိုက်ဦးခေါင်း
နွေသစ်လောင်းသော်
ရွက်ဟောင်းညှာကြွေ၊ ရွက်သစ်ဝေ၍
လေပြေထဲတွင်၊ ငယ်ရုပ်ဆင်သည်
အသင် ယောက်ျားကောင်းတကား။
.............................................၁၉၄၉ ကရေးဖွဲ့ ခဲ့တာပါ။
.............................................................................

♥ မေတ္တာသုတ် ♥

☺ ဒေါသဖြစ်၍
ပူချစ်လောင်တောက် ၊ ငါစိတ်ဖောက်သည်
မြွေဟောက် ပါးပျဉ်းနှယ်တကား ။

☺ စာပေနှီးနှော၊ စကားပြော က
ဒေါသပြေခဲ့ဘူး၏ရှင့် ။

☺ စာပေကြည့်လျက်၊ ကြံလေ့ကျက်က
အမျက် ပြေခဲ့ ဘူး၏ ရှင့်။

☺ဤတခါမူ
ပူသည် ဒေါသ၊ ထသည် အမျက်
ထွက်သည် စိတ်ကျန်း၊ မနိုင်စွမ်း၍
အေးချမ်းမေတ္တာ ၊ သုတ်ကိုနာသော်
ပမာတောက်ညီး ၊ တောင်ထက်မီးကို
မိုးကြီးငြှိမ်းသို့ ငြိမ်းသည်တည်း ။

♥ METTA SUTRA ♥

♥ Infuriated ! Hot ,
scorched, aflame, mymind lethal
like a cobra poised to strike .
Through literary discourse ,
I have tamed my rage .
Through reading and learning ,
I have eased my wrath .
Unable , this time ,
to quench hot anger ,
soothe rising wrath , tame
the wild mind , I have listened
to the cooling Metta Sutra .
And like the flames on
a mountain top quenched
by big rains ,
I have found peace again .
..............................
................1960ကရေးဖွဲ့ ခဲ့တဲ့
..............................................မင်းသုဝဏ် ရဲ့ ကဗျာပါ။ ..
.................................................................

ဧည့်သည်တော်

နေရောင်ချည်ထိုး၊ လုပ်ငန်းပျိုးခိုက်
မိုးတိုးမတ်တတ်၊ သူလာရပ်၍
စပ်မိစပ်ရာ၊ ပြောပြီးခါလျှင်
နှုတ်မျှမဆက်၊ သူခွာထွက်ခဲ့။

အလုပ်ပါးမှ၊ သတိရလျက်
ရွာမရှေ့ နောက်၊ ရွာတောင်မြောက်ကို
အိမ်ပေါက်အစေ့၊ ထွက်ဝင်၍လျှင်
တွေ့ လို့ တွေ့ ငြား၊ ငါရှာသွားသည်
ကြိုကြားမကြွင်း၊ ရောက်တုံလျှင်းခဲ့။

ထန်းဖျားသာသာ၊ ဈေးစည်ခါမို့ 
တွေ့ ပါလိမ့်နိုး၊ မျှော်ခေါ်ကိုးလျှက်
တိုးကာဝှေ့ ကာ၊ လှည့်လည်ရှာလည်း
ဈေးသာကွဲ၍ ၊ ရှာမတွေ့ ခဲ့။

လှည်းဆိပ် လှေဆိပ်၊ ပညောင်ရိပ်နှင့်
ရွာထိပ်နတ်စင်၊ ရေအိုးစင်က
ရွာဝင်တံခါး၊ မုန့် ဖိုများလည်း
တပါးမလပ်၊ ခြေရာထပ်ခဲ့။

မြင်ယောင်လျှက်သာ၊ သူ့ မျက်နှာတည့်
ကြားပါလျှက်ပင်၊ သူ့ သံလွင်တည့်
သို့ လျှင်တစေ၊ ငါရှာဖွေလည်း
အမွေအစ၊ မတွေ့ ရပဲ
ချမ်းမြနေချည်၊ နောက်သို့ လည်ခဲ့။

မိုးသောက်ထလျှင်၊ လုပ်ငန်းခွင်၌
ငါလျှင်စူးစိုက်၊ လုပ်ဆောင်ခိုက်ကို
စိုက်စိုက်ဝင်ကာ၊ ရောက်ပြန်လာ၍
ထွေရာလေးပါး၊ သူပြောကြားလျှက်
ထွက်သွားပြန်သည်၊ ၀င်းနေခြည်သို့ ။

သူ၏သဘော၊ သူ့ အကြောကို
သိသောခုခါ၊ အိမ်ဦးမှာ၌
ကွမ်းယာအသင့်၊ ဖျာအသင့်နှင့်
စောင့်လင့်ကြိုတင်၊ ငါပြင်ဆင်သည်
လာလျှင်ပြန်သွားဦးတော့မည်
နေခြည်ထဲက ကိုဧည့်သည်။

သွားလျှင် ပြန်လိမ့်ဦးမည်
နေခြည်ထဲက ကိုဧည့်သည်။
..................................၁၉၆၀ ကရေးဖွဲ့ ခဲ့တာပါ။
................................................................

ဖိုးမောင်လာပြီ

မှိုင်းညို့  ညဥ့်ရိပ်၊ လူခြေတိတ်၌
ရေဆိပ် အနား၊ ရွာတံခါးမှ
ဂုတ်ကျား ကျယ်လောင်၊ ဆီးကြို ဟောင်သော်
ဖိုးမောင်လာပြီ ဆိုကြသည်။

ဟောင်သံရပ်၍
ထက်ကြပ်ပေါ်လာ၊ အသံမှာကား
ညခါ ငါးထောင်၊ မောင်ဖိုးမောင်သည်
ရွာတောင်ချောင်းက ပြန်ခဲ့ပြီ။

ဖိုးမောင် သံ့ကြား၊ ကင်းသမားက
တံခါးကြီးအောက်၊ မလွယ်ပေါက်ကို
တယောက်ဝင်သာ၊ ဖွင့်လိုက်ပါသော်
ယာတွင် အုပ်ဆောင်း၊ ၀ဲ တက်ချောင်းနှင့်
ခါးစောင်း ကိုယ်ကိုင်း၊ ငါးပလိုင်းကို
လွယ်သိုင်းပြီးလျှင်၊ ရွာကိုဝင်သည်
လူပင်လေလား၊ တစ္ဆေလား။

တစ္ဆေမကြောက်၊ မြွေမကြောက်ပဲ
တယောက်တည်းပင်၊ ညဥ့်မှောင်တွင်၌
သူလျှင် ငါးရှာ၊ မကျွေးပါက
ထိုရွာသူသား၊ လူအများတို့ 
ငါးစို ငါးစိမ်း ငတ်ပေလိမ့်။

ဆောင်းတည၌
ချမ်းမြစိမ့်အေး၊ လခြမ်းကွေး၍
ရွာဘေးကျီပျက်၊ မှောင်နက်နက်မှ
ဇီးကွက်က အော်၊ တောက်တဲ့ ကြော်စဉ်
ရွာပေါ်လွှမ်းအောင်၊ ဂုတ်ကျားဟောင်သည်
ဖိုးမောင်လာချိန် ပါတကား။

သို့ ဖြစ်သော်ငြား၊ ခါတပါးသို့ 
တံခါးဝင်လို၊ သူမဆိုပဲ
မောင်းကိုထုပါ၊ လူစုပါဟေ့
ရွာကိုဘေးမှ၊ ကာကွယ်ကြလော့
ဒမြ ငါ့အား၊ ဖမ်း၍ထားဟု
စကားမဆုံး၊ ဟစ်အော်တုန်းတွင်
ဒိုင်းဒုန်း ဒိန်းသံ၊ ရွာလုံးညံသည်
ချောင်းယံပဲ့တင် ထပ်သတည်း။

ဖိုးမောင်နိဂုံး၊ ဤတွင်ဆုံးလည်း
ရွာလုံးစိတ်တွင်၊ ဖိုးမောင်ဝင်၍
ပဲ့တင်ထပ်ကာ၊ ဟည်းလျှက်ပါတည့်
ဘယ်ခါမဆို၊ ဆီးလင့်ကြိုသို့ 
မှိုင်းညို့ ညဥ့်ရိပ်၊ လူခြေတိတ်၌
ရေဆိပ်အနား၊ ရွာတံခါးမှ
ဂုတ်ကျား ကျယ်လောင်၊ ရမ်းရော်ဟောင်သော်
ဖိုးမောင်လာပြီ ဆိုဆဲပင်။
...............................၁၉၆၂ ကရေးဖွဲ့ ခဲ့တာပါ။
...........................................................

သူ့ မှာတမ်း


သူတို့ အဆုတ် ထားခဲ့မြှုပ်သည့်
ဗုံးငုတ်တိုက်မှား မောင်ပြောက်ကျားကို
ရွာသားရွာသူ မေးကြမြူသည်
အူအူယမ်းငွေ့  ထတုန်တည်း။

အမောင် ပြောက်ကျား၊ ချစ်သူအားကို
ဘာများ မှာခဲ့ လိုသနည်း ။

ငယ်က ကြင်မြတ် ၊ မိသက်မှတ်ကို
ခွင့်လွှတ်ခဲ့ကြောင်း ပြောပါလေ။

အမောင် ပြောက်ကျား ၊ မိဖအားကို
ဘာများ မှာခဲ့ လိုသနည်း ။

မွေးသည့်မိခင် ၊ မွေးဖခင်ကို
ဦးတင်ခဲ့ကြောင်း ပြောပါလေ ။

မောင် ပြောက်ကျား ၊ တိုင်းပြည်အားကို
ဘာများ မှာခဲ့ လိုသနည်း ။

ခရီးမတ်တပ် ၊ လမ်းခုလတ်တွင်
ကိုယ်လွတ် ရှောင်ခွာ ၊ ခွဲရပါရ်ျ
အားနာခဲ့ကြောင်း ပြောပါလေ ။

ယမ်းငွေ့အူအူ ၊ တလူလူနှင့်
မေးမြူကြတုန်း ၊ အနောက်ကုန်းတွင်
နေလုံး ကွယ်လေ ပြီတကား ။
..............................
...............ကဗျာဆရာ မင်းသုဝဏ် က
................၁၉၆၃ခုနှစ်ကရေးဖွဲ့ ထားတာပါ။ TKG
................................................................

တို့ မလေး

အိမ်ခေါင်မိုးမှာ၊ သူထိုးလာသည်
ပေလွှာစာချပ်၊ အဝေးရပ်က
ဆံဖြတ်မောင် ရေး၊ အလွမ်းတေးကို
မလေး ဖတ်နိုင်ခဲဖူးပြီ။

ရွှေဝသို့ သွား၊ ချစ်သူအားလျှင်
မှာကြားပို့ လေ၊ လွမ်းစာခွေဟု
မပြေမလှ၊ နွဲ့ လျလျနှင့်
မိန်းမလက်ရေး၊ ငယ်သေးသေးကို
မလေး ခြစ်နိုင်ခဲဖူးပြီ။

သို့ ပင်ဖြစ်လည်း
ချစ်သူနှင့်ဝေး၊ တို့ မလေးကား
ရေးလည်းမတက်၊ ဖတ်မတက်နှင့်
စာငတ် ပေငတ်၊ အသိငတ်သည်
မတ်တတ်ခြောက်သည့် သစ်ပင်လို။

ကံ ထောက်မ၍၊ ဤယနေ့ မူ
နွေငွေ့ လျှပ်လျှပ်၊ ပူစပ်စပ်တွင်
ထန်းပလပ်ရိပ်၊ တမာရိပ်၌
ချစ်ရိပ်ခိုဝင်၊ စာကိုသင်သော်
မပင်မပန်း၊ အမြင်ဆန်းသည်
မျက်ကန်းမလေး မြင်လေပြီ။
..............................

.....၁၉၇၁ ကရေးဖွဲ့ ခဲ့တာပါ။