လွမ်းခွင့်ရှိပါရဲ့လား

 “ လွမ်းခွင့်ရှိပါရဲ့လား ”

“ အလွမ်း ” တဲ့လား ...

စာလုံးလှသလောက် အရမ်းကြောက်စရာကောင်းတယ်။

“ အလွမ်း ” တဲ့လား ...

နှုတ်က ရွတ်လို့ကောင်းသလောက် ခန့်မှန်းရခက်တယ် ။

“ အလွမ်း ” ဆိုတဲ့နောက်မှာ

အယောင်ဆောင်တွေ ကိုယ်ယောင်ဖျောက်တွေနဲ့

စိတ်ရဲ့ ဒဏ်ရာတွေက ကိုယ်ထင်ပြ လမ်းသလားလို့ ။

“ အလွမ်း ” ရဲ့ရှေ့မှာတော့

ခံနိုင်ရည်နဲ့ နှစ်သိမ့်စရာ တံတိုင်းအတွက်

ဖြေဆေးတစ်မျိုးက ခုမှအရှာထွက်တုန်း ။

“ လွမ်းခွင့်ရှိပါရဲ့လား ” လို့

ခွင့်တောင်းရတဲ့အစဉ်အလာ ရှိခဲ့ရဲ့လား ...

ငိုရှိုက်သံတွေ မြေမမြှုပ်လိုက်ပါနဲ့ချစ်သူရယ် ...

လွမ်းရင်းနဲ့ မျက်ရည်မကျခဲ့ပါဘူး ၊

လွမ်းရင်းနဲ့ အော်ဟစ်မငိုခဲ့ပါဘူး ၊

အလွမ်းကို တသသနဲ့

ရင်ဘတ်ထဲမှာ သိမ်းထားရင်ပဲ လုံလောက်တယ် ...။ ။

ဘဝ အတွက်

 သူ့နေရာသူ မထားတတ်

မနေတတ်ရင်

ပညာ မည်မျှတတ်တတ်

စည်းစိမ် မည်မျှပြည့်စုံပြည့်စုံ

ရာထူး ဂုဏ်ထူး 

မည်မျှကြီးမားပါစေ

ဘဝဟာ သူဆင်းရဲပဲ

ဥာဏ်ပညာ

 အသိပညာ ဥာဏ်ရည်မြင့်မားသူဟာ

ဘယ်အရာကို တန်ဖိုးထားသင့်ပြီး

ဘယ်အရာကို စွန့်လွတ်သင့်လည်း

ဆုံးဖြတ်တတ်တယ်

အသိပညာ ဥာဏ်ရည်နိမ့်ပါးသူဟာ

သူတစ်ပါး အပေါ်မှီခိုရှင်သန်ပြီး

ကိုယ်ပိုင်ဆုံးဖြတ်ချက် မရှိဘူး

အသိဥာဏ်ပညာ ရင့်သန်သူထံက

အကြံဥာဏ်ကောင်းတွေ ရရှိနိုင်တယ်

စိတ် အတု

 Fake minds and fake people

If you love

It hurts more. 

စိတ်အတုနဲ့

လူအတုတွေ

ချစ်ရင်

ပိုနာကျင်ရတယ်။

မငိုနဲ့တဲ့

 မငိုနဲ့တဲ့ ပြီးတော့လည်း 

ထားသွားခဲ့တယ်အချစ်ရယ်

နွေးထွေးတဲ့လက်တစ်စုံရယ်

ကြင်နာတတ်တဲ့ မျက်ဝန်းတစ်စုံရယ် 

မွေးဖွားခါစ ကလေးတစ်ယောက်လို 

ကိုယ့်ကိုအစစ အရာရာဂရုစိုက်

စောင့်ရှောက် ဖေးမပေးတတ်တဲ့ စိတ်နဲ့

 အမြဲတန်းမခွဲမခွါ အနားနားကပ်နေတဲ့

အရိပ်တခု ပျောက်ဆုံးသွားတာ

သေမတတ်နာကျင်ပြီး 

မပဋာလက်သစ်ဖြစ်နေလို့ 

ကိုယ့်မှာ 

တရားနဲ့ဖြေနေရတယ်ကွယ်

အလွမ်းတွေဟာ မပျိုးပဲ ရှင်သန်ပြီး

စိတ်ကို နှောင်ဖွဲ့ထားတယ်

လွမ်းလိုက်တာကွယ်

သတိရခြင်းစိတ်ဟာ

အလွမ်းတွေကိုထွေးပွေ့ 

ချစ်ခြင်းတရားရဲ့ သက်သေပါပဲ

လွမ်းလိုက်တာကွယ်

အချစ်အတွက်

လွမ်းဆွတ်ခြင်းကို

မျက်ရည်က 

အဖော်ပြု ပေးနေတယ် 

ငါ့အချစ်ရယ် 

လွမ်းလိုက်တာကွယ်

မ..မ

၃.၈..၂၁

၃.၇.၂၃

၃.၇.၂၄

 

ဘဝများစွာအလွမ်း

 အချစ်ရေ 

စိတ်တွေဟာ အရိပ်တွေထဲ 

လိုက်ရှာနေပါတယ်

အတူတူရောက်ခဲ့တဲ့ နေရာလေးတွေ 

ရောက်တိုင်း ငါ့မှာမျက်ရည်တွေဝဲ

အတူတူလျှောက်ခဲ့တဲ့ လမ်းမထက်မှာ 

စိတ်တွေကျေကွဲ

အရင်လိုနေရက်များစွာ  အနမ်းတွေ 

မျှော်လည်း မင်းမရှိတဲ့ဘဝမှာ 

ငါ့မှာကြေကွဲ ငါ့မှာအဖော်မဲ့ 

အချစ်ရယ် ငါလွမ်းနေပါတယ်

သေအတူရှင်မခွဲ စကားလေးတွေဆိုလည်းအခုတော့ ထားရစ်ခဲ့ကာ ဘဝတစ်သက်

 ပြန်မတွေ့နိုင်ပြီပဲ

စိတ်အသေတွေနဲ့ ငါ့မှာ မျက်ရည်တွေဝဲ 

မင်းကိုပဲ ငါလွမ်းနေပါတယ်

နောင်ဘဝအထိ ငါအနမ်းတွေချွေမယ် 

သံသရာအဆက်ဆက် ချစ်ချင်ပါတယ် အချစ်ရယ်ငါလွမ်းနေပါတယ်

ဘဝများစွာနင်တွေ့အောင်ရှာခဲ့ 

သံသရာ အဆက်ဆက် စောင့်မျှော်သူပါပဲဘဝတစ်ကွေ့ တွေ့ခွင့် ခဏတာမမေ့နိုင်သူပဲ ကြင်နာတတ်တဲ့ မျက်ဝန်းနက်တစ်စုံနဲ့ 

နွေးထွေးစွာ နင်ပွေ့ဖက် 

သာယာနုညံ့တဲ့ စကားလေးတွေဆိုမြဲ ညင်သာလွန်းလှတဲ့ နှုပ်ခမ်းလေးတွေနဲ့ အချစ်ရယ် အနမ်းတွေ ချွေလှည့် 

လှမ်းမျှော်နေမြဲ ခေါ်သံလေးများကို 

လွမ်းနေပါတယ် 

နောက်ဆုံးထွက်သက်အထိ 

နှလုံးသားမှာခိုနား အရိပ်တဇ္ဇေဟာ 

ငါ့ကို မအိပ်စေပါ

စိတ်တွေဟာ အရိပ်တွေထဲ 

လိုက်ရှာနေပါတယ် ငါ့အချစ်ရယ်..